ప్రాంతీయ అసమానతలు

ఒక దేశ అభివృద్ధి, సమైక్యతకు సంతులిత ప్రాంతీయాభివృద్ధి తప్పనిసరి. ప్రాంతాల మధ్య అసమానతలు.. ఆయా ప్రాంతాల మధ్య వైషమ్యాలను పెంచి దేశ సమగ్రతకు భంగం కలిగిస్తాయి.మన దేశంలో కొన్ని రాష్ట్రాలు అభివృద్ధి చెందగా, మరికొన్ని రాష్ట్రాలు వెనుకంజలో ఉన్నాయి. ఒక రాష్ర్టంలో కొన్ని ప్రాంతాలు అభివృద్ధి చెందితే, మరికొన్ని వెనుకబడి ఉన్నాయి. దేశంలోని వివిధ ప్రాంతాల మధ్య ఉన్న అసమానతలను తొలగించేందుకు పంచవర్ష ప్రణాళికల లక్ష్యాల్లో సంతులిత ప్రాంతీయాభివృద్ధిని కూడా ఒక లక్ష్యంగా నిర్దేశించుకున్నారు.