సాక్షి, అమరావతి: రాష్ట్రంలోని విద్యార్థులు, ఇతర అభ్యర్థులకు శుభవార్త. కీలకమైన ఎస్‌ఎస్‌సీ (టెన్త్) సర్టిఫికెట్లు ఇకపై డిజి–లాకర్‌ (డిజిటల్‌ లాకర్‌) ద్వారా అందుబాటులోకి రానున్నాయి.
ఇక డిజి–లాకర్‌ ద్వారా ఈ సర్టిఫికెట్లు
తొలిసారిగా ఆంధ్రప్రదేశ్‌ రాష్ట్రం ఎస్‌ఎస్‌సీ బోర్డు (ప్రభుత్వ పరీక్షల డైరక్టరేట్‌) డిజి–లాకర్‌ ద్వారా సర్టిఫికెట్లను అభ్యర్థులకు అందుబాటులోకి తెచ్చింది. కేంద్ర విద్యామంత్రిత్వ శాఖ ఏర్పాటుచేసిన డిజి–లాకర్‌లోకి ఎస్‌ఎస్‌సీ బోర్డు అనుసంధానమైందని డైరక్టర్‌ డి.దేవానందరెడ్డి తెలిపారు.
2017 నుంచి 2022 వరకు ఎస్‌ఎస్‌సీ సర్టిఫికెట్లు డిజి–లాకర్‌ ద్వారా అభ్యర్థులకు అందుబాటులో ఉంచుతామని పేర్కొన్నారు. అభ్యర్థులు డిజిలాకర్‌కు సైన్‌ అప్‌ అయి ముఖ్య మైన పత్రాలు, సర్టిఫికెట్లను పొందవచ్చన్నారు.
