ఆంధ్రప్రదేశ్ చలనచిత్ర అవార్డులు

ఆంధ్రప్రదేశ్ చలనచిత్ర అవార్డులు
చలన చిత్ర రంగంలో ప్రతిభ కనబర్చిన వారికి, విశేష కృషిచేసిన వారికి ఆంధ్రప్రదేశ్ ప్రభుత్వం నంది అవార్డులతో పాటు ఇతర అవార్డులను కూడా ప్రదానం చేస్తుంది. వాటిలో రఘుపతి వెంకయ్య అవార్డు, ఎన్.టి.ఆర్. జాతీయ చలనచిత్ర అవార్డు, బి.ఎన్.రెడ్డి అవార్డు, అక్కినేని నాగేశ్వరావు జాతీయ అవార్డులు ముఖ్యమైనవి. జాతీయ స్థాయిలో, అన్ని ప్రాంతీయ భాషల్లో చిత్ర పరిశ్రమలో ఉన్నవారికి అందిస్తారు.

ఎన్.టి.ఆర్. జాతీయ చలనచిత్ర అవార్డు: జాతీయ చలనచిత్ర రంగంలో విశేష కృషి చేసిన వారికి ఈ అవార్డును ప్రదానం చేస్తారు. చలనచిత్ర రంగంలో అసాధారణ నటుడు, నిర్మాత, ఆంధ్రప్రదేశ్ మాజీ ముఖ్యమంత్రి నందమూరి తారక రామారావు పేరు మీదుగా రాష్ర్ట ప్రభుత్వం 1996లో నెలకొల్పింది. ఈ అవార్డు కింద 5 లక్షల రూపాయలు బహుకరిస్తారు. ప్రథమ గ్రహీత అక్కినేని నాగేశ్వర రావు. నంది అవార్డుల ప్రదానోత్సవంలో భాగంగానే దీనిని అందచేస్తారు.

అవార్డు గ్రహీతలు:

సంవత్సరం	గ్రహీత
1996	అక్కినేని నాగేశ్వర రావు
1997	దిలిప్ కుమార్
1998	శివాజీ గణేషన్
1999	లతా మంగేష్కర్
2000	భానుమతి రామకృష్ణ
2001	రిషికేష్ ముఖర్జీ
2002	డా.రాజ్‌కుమార్
2003	ఘట్టమనేని కృష్ణ
2004	ఇళయరాజా
2005	నూతన్ ప్రసాద్, అంబరీష్
2006	వహీదా రెహ్మాన్
2007	దాసరి నారాయణ రావు
2008	జమున
2009	బి. సరోజాదేవి
2010	శారద
2011	అమితాబ్ బచ్చన్
2012	ద్వారకిష్, మాలశ్రీ
2013	మనోజ్ దాస్
2014	కమల్‌ హాసన్
2015	కె. రాఘవేంద్రరావు
2016	రజనీకాంత్

రఘుపతి వెంకయ్య అవార్డు: తెలుగు చలనచిత్ర రంగంలో విశేష కృషి చేసిన వారికి ఈ అవార్డును ప్రదానం చేస్తారు. చిత్ర పరిశ్రమలో మార్గదర్శకుడు రఘుపతి వెంకయ్య నాయుడు పేరు మీదుగా రాష్ర్ట ప్రభుత్వం 1980లో ఈ అవార్డును ప్రవేశపెట్టింది. అవార్డు కింద ఒక బంగారు నంది, బంగారు పతకం రూ. 50,000 నగదును బహుకరిస్తారు. దీనిని కూడా నంది అవార్డుల ప్రదానోత్సవంలో భాగంగానే అందచేస్తారు. మొదటి అవార్డు గ్రహీత ఎల్.వి. ప్రసాద్.

అవార్డు గ్రహీతలు:

సంవత్సరం	గ్రహీత
1980	ఎల్.వి. ప్రసాద్
1981	పి.పుల్లయ్య(దర్శకుడు, నిర్మాత)
1982	బి.ఎ.సుబ్బారావు(నిర్మాత)
1983	ఎం.ఎ.రహమాన్
1984	కొసరాజు రాఘవయ్య చౌదరి
1985	భానుమతి(నటి, నిర్మాత, గాయకురాలు, సంగీత దర్శకురాలు, రచయిత)
1986	బాపు - రమణ
1987	బి.నాగిరెడ్డి(నిర్మాత)
1988	డి.వి.ఎస్. రాజు
1989	అక్కినేని నాగేశ్వర రావు
1990	దాసరి నారాయణ రావు(నటుడు, నిర్మాత, దర్శకుడు)
1991	కె.విశ్వనాథ్(దర్శకుడు, నటుడు)
1992	ఎస్.రాజేశ్వర రావు
1993	దుక్కిపాటి మధుసూదన రావు(నిర్మాత)
1994	అంజలీ దేవి(నటి)
1995	కె.ఎస్.ప్రకాశరావు
1996	ఇంతూరి వెంకటేశ్వర రావు
1997	బి.మధుసూదనరావు
1998	గుమ్మడి
1999	శాంతకుమారి
2000	టి.ఎల్.కాంతారావు
2001	అల్లు రామలింగయ్య
2002	పి.సుశీల(నేపథ్య గాయని)
2003	వి.బి.రాజేంద్ర ప్రసాద్
2004	కృష్ణవేణి
2005	ఎం.ఎస్.రెడ్డి(నిర్మాత, దర్శకుడు, రచయిత)
2006	డి.రామనాయుడు
2007	తమ్మారెడ్డి కృష్ణమూర్తి
2008	విజయనిర్మల(నటి, నిర్మాత, దర్శకురాలు)
2009	కె.రాఘవ(నిర్మాత)
2010	ఎం.బాలయ్య(నటుడు, నిర్మాత, దర్శకుడు)
2011	కైకాల సత్యనారాయణ
2012	కోడి రామకృష్ణ (దర్శకుడు)
2013	వాణిశ్రీ (నటి)
2014	కృష్ణం రాజు (నటుడు)
2015	ఈశ్వర (రచయిత)
2016	చిరంజీవి (నటుడు)

అక్కినేని నాగేశ్వర రావు జాతీయ అవార్డు: ప్రముఖ నటుడు అక్కినేని నాగేశ్వర రావు పేరు మీదుగా రాష్ర్ట ప్రభుత్వం ఈ అవార్డును నెలకొల్పింది. జాతీయ చలనచిత్ర రంగానికి విశేష కృషి చేసిన వారికి ఈ అవార్డు బహుకరిస్తారు. తాజాగా 2011 సంవత్సరానికి బాలీవుడ్ నటి హేమమాలినికి ఈ అవార్డు బహుకరించారు.

అవార్డు గ్రహీతలు:

సంవత్సరం	గ్రహీత
2005	దేవానంద్(హిందీ నటుడు)
2006	షబానా అజ్మీ(నటి, సామాజికి కార్యకర్త)
2007	అంజలీ దేవి(నటి, నిర్మాత)
2008	వైజయంతిమాల(నటి, నృత్యకారిణి)
2009	లతా మంగేష్కర్(గాయని)
2010	కె. బాలచందర్(రచయిత, దర్శకుడు, నిర్మాత)
2011	హేమమాలిని(నటి, నిర్మాత, దర్శకురాలు, నృత్యకారిణి)
2012	శ్యామ్ బెనగల్ (బాలీవుడ్ దర్శకుడు, రచయిత)
2013	శ్రీదేవి (నటి)
2014	అమితాబ్ బచ్చన్ (బాలీవుడ్ నటుడు)
2015	ఘట్టమనేని కృష్ణ (నటుడు)
2017	ఎస్‌. ఎస్‌. రాజమౌళి (దర్శకుడు)