NIRF Ranking 2024: వరుసగా ఆరోసారి.. ఐఐటీ మద్రాస్‌ టాప్
నేషనల్‌ బోర్డ్‌ ఆఫ్‌ అక్రెడిటేషన్‌(ఎన్‌బీఏ) రూపొందించిన ఈ ర్యాంకింగ్స్‌ను కేంద్ర విద్యాశాఖ మంత్రి ధర్మేంద్ర ప్రధాన్ విడుదల చేశారు. ఓవరాల్‌తోపాటు ఇంజినీరింగ్‌ కేటగిరీలో ఇండియన్‌ ఇన్‌స్టిట్యూట్‌ ఆఫ్‌ టెక్నాలజీ (ఐఐటీ) మద్రాస్‌ వరుసగా ఆరోసారి టాప్ ర్యాంక్‌లో నిలిచింది. ఐఐటీ హైదరాబాద్‌కు 8వ ర్యాంకు దక్కింది. ఉత్తమ యూనివర్సిటీగా ఇండియన్‌ ఇన్‌స్టిట్యూట్‌ ఆఫ్‌ సైన్స్‌(ఐఐఎస్‌సీ) బెంగళూరు వరుసగా 9వసారి మొదటి స్థానం సంపాదించుకుంది.
ఓవరాల్‌ కేటగిరీలో..
ఐఐఎస్‌సీ బెంగళూరు, ఐఐటీ బాంబే, ఐఐటీ ఢిల్లీ వరుసగా రెండు, మూడు, నాలుగు ర్యాంకులు సాధించాయి. ఓవరాల్‌ టాప్–10 జాబితాలో 8 ఐఐటీలతోపాటు ఢిల్లీ ఎయిమ్స్, ఢిల్లీ జవహర్‌లాల్‌ నెహ్రూ చోటు సంపాదించాయి.
యూనివర్సిటీల కేటగిరీలో..
టాప్–3లో బెంగళూరు ఐఐఎస్‌సీ, ఢిల్లీలోని జేఎన్‌యూ, జామియా మిలియా ఇస్లామియాలున్నాయి. ఇన్నోవేషన్‌ విభాగంలో ఐఐటీ బాంబే, ఐఐటీ మద్రాస్‌ తర్వాత ఐఐటీ హైదరాబాద్‌ మూడో స్థానంలో నిలిచింది. రాష్ట్ర ప్రభుత్వ వర్సిటీల్లో హైదరాబాద్‌లోని ఉస్మానియాకు ఆరు, విశాఖపట్టణంలోని ఆంధ్రా వర్సిటీకి ఏడో ర్యాంకు దక్కాయి.
Religion Conversions : బలవంతపు మ‌తమార్పిడికి మ‌రింత పెరిగిన శిక్ష‌లు.. ఇక‌పై మ‌రిత క‌ఠినంగా!
ఫార్మసీ విభాగంలో..
నేషనల్‌ ఇన్‌స్టిట్యూట్‌ ఆఫ్‌ ఫార్మాస్యూటికల్‌ ఎడ్యుకేషన్‌ అండ్‌ రీసెర్చ్‌(ఎన్‌ఐపీఈఆర్‌)హైదరాబాద్‌ ఈ ఏడాది రెండో స్థానానికి పడిపోయింది. ఈసారి మొదటి స్థానాన్ని జామియా హందర్డ్‌ దక్కించుకోగా బిట్స్ పిలానీ మూడో ర్యాంకు సాధించింది. లా యూనివర్సిటీల్లో నల్సార్‌ హైదరాబాద్‌కు మూడో ర్యాంకు దక్కింది.