IUCN: అంతరించిపోతున్న జీవజాలం వివరాలను నమోదు చేసే సంస్థ?

తాజాగా కొమొడో డ్రాగన్‌ కూడా అంతరించే ప్రమాదం ఉన్న జీవుల జాబితా(రెడ్‌ లిస్ట్‌)లోకి ఎక్కిందని ఐయూసీఎన్‌ తెలిపింది. ప్రస్తుతం ఐయూసీఎన్‌ డైరెక్టర్‌గా బ్రూనో ఒబెర్లె ఉన్నారు. ఐయూసీఎన్‌ తెలిపిన వివరాల ప్రకారం...

• 2014తో పోలిస్తే షార్క్‌లు, రే చేపల జనాభా మరింతగా కుంచించుకుపోయింది.
• పెరుగుతున్న సముద్రమట్టాలు, ఉష్ణోగ్రతలు పలు జీవజాతుల సహజ ఆవాసాలను ధ్వంసం చేస్తున్నాయి.
• చెట్ల విషయానికి వస్తే ఎబొని, రోజ్‌వుడ్‌ జాతుల చెట్లు అంతర్ధాన ముప్పును ఎదుర్కొంటున్నాయి.
• షార్క్, రే చేపల అంతరించే ముప్పు 2014లో 33 శాతం ఉండగా, 2021నాటికి 37 శాతానికి పెరిగింది. చేపలవేట, వాతావరణంలో మార్పులు ఇందుకు కారణం.
• సముద్రషార్కుల జనాభా 1970తో పోలిస్తే ప్రస్తుతం 71 శాతం తగ్గిపోయింది. అయితే దేశాల మధ్య ఒప్పందాల కారణంగా ట్యూనా జాతి చేపల జనాభాలో పెరుగుదల కనిపించింది.
• ఐయూసీఎన్‌ సంస్థ పరిశీలిస్తున్న 1,38,000 జాతుల్లో దాదాపు 38వేల జాతులు అంతర్ధానమయ్యే ప్రమాదంలో ఉన్నాయి.
• పక్షుల్లో దాదాపు 18 జాతుల ఉనికి అత్యంత ప్రమాదకర అంచుల్లో ఉంది. 
• కరిగిపోతున్న మంచుతో 2100 నాటికి దాదాపు 98 శాతం ఎంపరర్‌ పెంగ్విన్లు నశించిపోయే ప్రమాదం ఉంది.

క్విక్‌ రివ్యూ   :
ఏమిటి    :  కొమొడో డ్రాగన్‌ కూడా అంతరించే ప్రమాదం ఉన్న జీవుల జాబితా(రెడ్‌ లిస్ట్‌)లోకి ఎక్కింది
ఎప్పుడు : సెప్టెంబర్‌ 4
ఎవరు    : ఐయూసీఎన్‌(ఇంటర్నేషనల్‌ యూనియన్‌ ఫర్‌ కన్జర్వేషన్‌ ఆఫ్‌ నేచర్‌) 
ఎందుకు  : పెరుగుతున్న సముద్రమట్టాలు, ఉష్ణోగ్రతలు వంటి పర్యావరణ కారణాల వల్ల...