World Day to Combat Desertification and Drought: జూన్ 17వ తేదీ ప్రపంచ ఎడారీకరణ, కరువు నిరోధక దినోత్సవం

1995 నుంచి ప్రతి ఏడాది జూన్ 17వ తేదీ ఎడారీకరణ, కరువును ఎదుర్కోవడానికి ఐక్యరాజ్యసమితి సర్వసభ (UNGA) ఈ దినోత్సవాన్ని జరుపుతోంది.  ఈ దినోత్సవం యొక్క ఉద్దేశ్యం ఎడారీకరణ, కరువు గురించి అవగాహన పెంచడం, వాటిని ఎదుర్కోవడానికి పద్ధతులను వ్యాప్తి చేయడం.

ఎడారీకరణ, భూమి క్షీణత, కరువు ప్రపంచంలోని అత్యంత ముఖ్యమైన పర్యావరణ సవాళ్లలో ఒకటి. ప్రపంచవ్యాప్తంగా మొత్తం భూభాగంలో ఇప్ప‌టికే 40% భూభాగం క్షీణించిపోయిందని అంచనా. వాతావరణ మార్పులు, మానవ కార్యకలాపాలు ఎడారీకరణ, కరువుకు దోహదపడుతున్నాయి.

ఈ ఏడాది థీమ్ ఇదే..
2024 థీమ్ "భూమి కోసం ఐక్యత, మన వారసత్వం. మన భవిష్యత్తు(United for Land. Our Legacy. Our Future)".

World Blood Donor Day: నేడు ప్రపంచ రక్తదాతల దినోత్సవం.. ఈ ఏడాది థీమ్ ఇదే..

➤ ప్ర‌స్తుతం ఉత్తర ఆఫ్రికా అంతటా విస్తరించి ఉన్న సహారా ఎడారి ప్రపంచంలోనే అతిపెద్ద వేడి ఎడారి.
➤ దక్షిణ అమెరికాలోని అటకామా ఎడారి భూమధ్యరేఖ ప్రాంతంలో అత్యంత పొడి ప్రాంతంగా పేరు తెచ్చుకుంది.
➤ ఎటువంటి ప్రధాన సహజ ఎడార్లు లేనిది యూరప్ మాత్రమే.
➤ అంటార్కిటికా ఖండంలో ఉన్న అంటార్కిటికా ఎడారి ప్రపంచంలోనే అతిశీతల ఎడారి.
➤ చైనా, మంగోలియాలలో విస్తరించి ఉన్న గోబీ ఎడారి ఆసియాలో అతిపెద్ద, అతిశీతల ఎడారి.