Free tailoring training: ఉచిత టైలరింగ్‌ శిక్షణ ప్రారంభం

తిరుపతి కల్చరల్‌: సెట్విన్‌, మబ్బు సూర్యనారాయణరెడ్డి చారిటబుల్‌ ట్రస్ట్‌ సంయుక్త ఆధ్వర్యంలో చేపట్టిన ఉచిత కుట్టు మిషన్‌ శిక్షణ కార్యక్రమాన్ని చెన్నారెడ్డి కాలనీలోని కమ్యూనిటీ హాల్లో సోమవారం ప్రారంభించారు. ఈ సందర్భంగా సెట్విన్‌ సీఈఓ డాక్టర్‌ వీ.మురళీకృష్ణ మాట్లాడుతూ చారిటబుల్‌ ట్రస్ట్‌ మూడు నెలల ఉచిత కుట్టుమిషన్‌ శిక్షణకు మూడు కుట్టు మిషన్లు అందజేయనున్నట్టు వెల్లడించారు. ఉదయం 10.30 నుంచి 12.30 గంటల వరకు తొలి బ్యాచ్‌, మధ్యాహ్నం 2 నుంచి సాయంత్రం 4 గంటల వరకు రెండో బ్యాచ్‌గా రెండు విడతలగా శిక్షణ ఇస్తున్నట్టు పేర్కొన్నారు. ట్రస్ట్‌ వ్యవస్థాపకుడు మబ్బు సూర్యనారాయణరెడ్డి, కో–ర్డినేటర్‌ రహమతుల్లా తదితరులు పాల్గొన్నారు.