తెలంగాణ పోస్టాఫీసుల్లో 1,150 తాత్కాలిక పోస్టుల భర్తీకి నోటిఫికేషన్

తపాలా కార్యాలయాలు అందు బాటులో లేని ప్రాంతాల్లో తాత్కాలిక ఉద్యోగులతో సేవలు అందించనుంది. అలాగే, పోస్టాఫీసులు ఉన్న ప్రాంతాల్లో కూడా, పని భారం పెరిగితే దాన్ని తాత్కాలిక ఉద్యోగులతో నిర్వహించనుంది.

తెలంగాణ 1,150 పోస్టుల భర్తీకి తపాలా శాఖ విడుదల చేసిన గ్రామీణ్ డాక్ సేవక్ నోటిఫికేషన్ కోసం క్లిక్ చేయండి.


ఈ మేరకు తాత్కాలిక పద్ధతిలో 1,150 ఉద్యోగాల భర్తీకి తాజాగా తపాలాశాఖ తెలంగాణ సర్కిల్ నోటిఫికేషన్ జారీ చేసింది. గ్రామీణ్ డాక్ సేవక్ పేరుతో ఉద్యోగులను నియమించుకోనుంది. కాస్త పనిభారం ఉండే చోట గరిష్టంగా 5 గంటలు, లేనిచోట అంత కంటే తక్కువ గంటలు పనిచేయాల్సి ఉంటుంది. ఎక్కడైనా పోస్టాఫీసు అందుబాటులో లేని చోట పూర్తి వ్యవహారాలు చూసుకునే వారిని బ్రాంచి పోస్టుమాస్టర్‌గా పిలుస్తారు. బ్రాంచి పోస్టుమాస్టర్‌కు సంబం ధించి 5 గంటలు పనిచేస్తే రూ.14,500, 4 గంటలు పనిచేస్తే రూ.12 వేలు నెల వేతనంగా చెల్లిస్తారు. అలాగే అసిస్టెంట్ బ్రాంచ్ పోస్ట్ మాస్టర్, డాక్ సేవక్ పోస్టులకు సంబంధించి ఆ మొత్తం రూ.12 వేలు, రూ.10 వేలుగా ఉంది. పదో తరగతి ఉత్తీర్ణులైన 18 ఏళ్ల నుంచి 40 ఏళ్ల మధ్య వయసున్న వారు (వయోపరిమితి నిబంధనలు వర్తిస్తాయి) దరఖాస్తు చేసుకోవాల్సి ఉంటుంది. పూర్తి వివ రాలు తపాలాశాఖ వెబ్‌సైట్ (www.appost.in/gdsonline ) లో సంప్రదించాలి.