అండర్-19 ప్రపంచకప్

మొత్తం 16 జట్లు
12వ అండర్-19 క్రికెట్ ప్రపంచకప్ టోర్నీ 2018, జనవరి 13 నుంచి ఫిబ్రవరి 3 వర కు న్యూజిలాండ్‌లో జరిగింది. ఇందులో మొత్తం 16 జట్లు పాల్గొన్నాయి. ఫిబ్రవరి 3న మౌంట్ మౌంగనుయ్‌లో భారత్, ఆస్ట్రేలియా మధ్య ఫైనల్ జరిగింది. ఇందులో భార త్ ఎనిమిది వికెట్ల తేడాతో ఘన విజయం సాధించింది. తొలుత బ్యాటింగ్ చేసిన ఆస్ట్రేలియా 47.2 ఓవర్లలో 216 పరుగులు చేసింది. భారత్ రెండు వికెట్లు మాత్రమే కోల్పోయి లక్ష్యాన్ని ఛేదించింది. ఫైనల్లో భారత ఓపెనర్ మన్‌జోత్ కల్రా అజేయ శత కం (101 నాటౌట్) సాధించడంతో సునాయాసంగా విజయం సాధించింది. దీంతో నాలుగోసారి అండర్-19 ప్రపంచకప్‌ను గెలుచుకుని, భారత్ సరికొత్త రికార్డు సృష్టించింది.

భారత్ తొలిసారి అండర్-19 క్రికెట్ పపంచకప్‌ను మహ్మద్ కైఫ్ సారథ్యంలో 2000లో సాధించింది. రెండోసారి 2008లో విరాట్ కోహ్లీ కెప్టెన్సీలో, మూడోసారి 2012లో ఉన్ముక్త్ చంద్ నేతృత్వంలో కప్పును అందుకుంది. 2018లో భారత్ పృథ్వీ షా నాయకత్వంలో నాలుగోసారి టైటిల్ సాధించింది.

ఫైనల్లో మ్యాన్ ఆఫ్ ది మ్యాచ్ అవార్డు మన్‌జోత్ కల్రాకు దక్కింది. ఈ టోర్న మెంట్లో 372 పరుగులు చేసిన భారత బ్యాట్స్‌మన్ శుభ్‌మన్ గిల్‌కు ‘మ్యాన్ ఆఫ్ ది సిరీస్’ అవార్డు లభించింది. జగజ్జేతగా నిలిచిన భారత జట్టుకు కోచ్ రాహుల్ ద్రవిడ్.

అండర్-19 ప్రపంచకప్ విజేతలు

సంవత్సరం	ఆతిథ్యదేశం	విజేత
1988	ఆస్ట్రేలియా	ఆస్ట్రేలియా
1998	దక్షిణాఫ్రికా	ఇంగ్లండ్
2000	శ్రీ‌లంక	భారత్
2002	న్యూజిలాండ్	ఆస్ట్రేలియా
2004	బంగ్లాదేశ్	పాకిస్తాన్
2006	శ్రీ‌లంక	పాకిస్తాన్
2008	మలేసియా	భారత్
2010	న్యూజిలాండ్	ఆస్ట్రేలియా
2012	ఆస్ట్రేలియా	భారత్
2014	యూఏఈ	దక్షిణాఫ్రికా
2016	బంగ్లాదేశ్	వెస్టిండీస్
2018	న్యూజిలాండ్	భారత్

మాదిరి ప్రశ్నలు
1. 2020లో అండర్-19 ప్రపంచకప్ క్రికెట్ టోర్నీకి ఏ దేశం ఆతిథ్యమివ్వనుంది?
1) దక్షిణాఫ్రికా
2) వెస్టిండీస్
3) బంగ్లాదేశ్
4) ఆస్ట్రేలియా

2. భారత్ తర్వాత అత్యధికంగా మూడుసార్లు అండర్-19 క్రికెట్ ప్రపంచకప్‌ను ఏ దేశం గెలుచుకుంది?
1) పాకిస్తాన్
2) ఆస్ట్రేలియా
3) ఇంగ్లండ్
4) దక్షిణాఫ్రికా

3.అతిచిన్న వయసులో (18 ఏళ్ల 86 రోజులు) అండర్-19 క్రికెట్ ప్రపంచకప్ గెలిచిన కెప్టెన్?
1) విరాట్ కోహ్లీ
2) ఉన్ముక్త్ చంద్
3) మహ్మద్ కైఫ్
4) పృథ్వీ షా

సమాధానాలు
1) 1; 2) 2; 3) 4;