ప్రధాన్ మంత్రి రాష్ట్రీయ బాల్ పురస్కార్‌ 2021

పిల్లలు, వ్యక్తులు, సంస్థల నుంచి ప్రధాన మంత్రి రాష్ట్రీయ బాల్ పురస్కార్ 2021కు మహిళా, శిశు అభివృద్ధి మంత్రిత్వ శాఖ నామినేషన్లను ఆహ్వానించింది. ఏటా రిపబ్లిక్ డే (జనవరి 26) ముందు వారంలో ఈ అవార్డులను భారత రాష్ట్రపతి ఇస్తారు.

ప్రధానాంశాలు

ఈ అవార్డులను రెండు కేట‌గిరీల కింద ఇస్తారు. అవి..

1.బాల్ శక్తి పురస్కార్‌

2.బాల్ క‌ల్యాణ్‌ పురస్కార్‌

బాల్ శక్తి పురస్కార్‌:

•  వివిధ రంగాలలో అసాధారణమైన విజయాలను సాధించిన పిల్లలకు ఏటా భారత ప్రభుత్వం ఈ అవార్డును ఇస్తుంది. ఉదా.. ఆవిష్కరణ, విద్యాప‌రంగా విజయాలు, సామాజిక సేవ, కళలు & సంస్కృతి, క్రీడలు, ధైర్యం.
•  ఒక పతకం, రూ.1,00,000, రూ .10,000 విలువైన బుక్ వోచర్లు, సర్టిఫికేట్, ప్రశంసాపత్రం ఇస్తారు.
• ఇది 1996లో జాతీయ చైల్డ్ అవార్డు ఫ‌ర్ ఎక్స్‌ప్షన‌ల్ అచీవ్‌మెంట్ పేరుతో స్థాపించారు. 2018 నుంచి బాల శక్తి పురస్కార్‌ అని పేరు మార్చారు.

బాల్ క‌ల్యాణ్‌ పురస్కార్‌:

•  పిల్లల అభివృద్ధి, రక్షణ, శిశు సంక్షేమ రంగాలలో పిల్లల మంచి కోసం చేసిన‌ విశేష కృషి చేసిన వ్యక్తులు, సంస్థలకు ఈ అవార్డు ఇస్తారు.
•  భారతీయ పౌరుడు, భారతదేశంలో నివసిస్తున్న 18 సంవత్సరాలు లేదా అంతకంటే ఎక్కువ వయస్సు గల వ్యక్తి (సంబంధిత సంవత్సరం ఆగస్టు 31 నాటికి) ఉండాలి. వారు 7 సంవత్సరాల కన్నా ఎక్కువ కాలం పిల్లల ప్రయోజనాల కోసం పని చేసి ఉండాలి.
•  అవార్డుకు ఆప్లై చేసే సంస్థకు పూర్తి స్థాయిలో ప్రభుత్వం నిధులు పొంద‌కూడ‌దు.
•  పిల్లల సంక్షేమ రంగంలో 10 సంవత్సరాలు ఉండి, ఈ రంగంలో నిలకడగా పనిచేయాలి.

అవార్డు: నగదు బహుమతులతో పాటు వరుసగా వ్యక్తిగత,సంస్థ విభాగాలలో మూడు అవార్డులు ఇస్తారు. (వరుసగా రూ.1,00,000, రూ.5,00,000).