- అఖిల్, నిజామాబాద్
Question
ఈవెంట్ మేనేజ్మెంట్ కోర్సును అందిస్తున్న సంస్థల వివరాలు తెలపండి?
- హాస్పిటాలిటీ, ఈవెంట్, ఫెసిలిటీ మేనేజ్మెంట్.. వేగంగా అభివృద్ధి చెందుతున్న రంగాలు. వీటిలో మంచి కెరీర్‌తో పాటు అభివృద్ధికి అవకాశం ఉంటుంది.
- ఈవెంట్ అంటే పెళ్లి, బిజినెస్ మీటింగ్, ఫ్యాషన్ షో, ప్రొడక్ట్ లాంచ్, అవార్డు ఫంక్షన్, కాంటెస్ట్ వంటివి ఏదైనా కావొచ్చు. పర్సనల్ ఫంక్షన్స్ క్లయింట్ స్టేటస్‌కు తగ్గట్టుగా నిర్వహిస్తారు. భారీ ఎత్తున జరిగే కార్పొరేట్, అవార్డ్ ఫంక్షన్స్‌కు కమ్యూనికేషన్, మార్కెటింగ్‌కు అవకాశాలు ఎక్కువగా ఉంటాయి.
- టెక్నికల్ నైపుణ్యాలు, శారీరక దారుఢ్యం, ఒత్తిడిని ఎదుర్కొనే గుణం, చిన్న విషయాలకు సైతం ఎక్కువ ప్రాధాన్యమివ్వడం, ఉత్సాహం వంటి లక్షణాలు ఉండాలి.
- బంజారాహిల్స్‌లోని రచనోత్సవ్ ఈవెంట్స్ అకాడమీ.. ఈవెంట్ మేనేజ్‌మెంట్‌లో ప్రొఫెషనల్ ఫౌండేషన్ కోర్సు, అడ్వాన్స్‌డ్ మాస్టర్స్ కోర్సును అందిస్తోంది.
అర్హత: ప్రొఫెషనల్ ఫౌండేషన్ కోర్సుకు కనీసం 60 శాతం మార్కులతో ఇంటర్మీడియెట్. అడ్వాన్స్‌డ్ కోర్సుకు ఏదైనా డిగ్రీ. ఆరు నెలల పని అనుభవం ఉన్నవారు కూడా దరఖాస్తు చేసుకోవచ్చు.
ప్రవేశం: ప్రవేశపరీక్ష, ఇంటర్వ్యూల్లో ఉత్తీర్ణత ఆధారంగా.
వెబ్‌సైట్: www.rachnoutsaveventsacademy.com
- హైదరాబాద్‌లోని గురుకుల్ ఇన్స్టిట్యూట్ ఆఫ్ ఈవెంట్ మేనేజ్మెంట్.. ఈవెంట్ మేనేజ్మెంట్ అండ్ వెడ్డింగ్ ప్లానింగ్‌లో 9 నెలల ఫౌండేషన్ కోర్సు అందిస్తోంది.
అర్హత: ఇంటర్మీడియెట్/10+2
దీంతోపాటు ఈవెంట్ మేనేజ్మెంట్ అండ్ వెడ్డింగ్ ప్లానింగ్‌లో అడ్వాన్స్‌డ్ ప్రొఫెషనల్ కోర్సు, ఈవెంట్ మేనేజ్మెంట్ అండ్ వెడ్డింగ్ ప్లానింగ్‌లో ఎంటర్‌ప్రెన్యూర్‌షిప్ ప్రోగ్రామ్‌లను అందిస్తోంది. ఈ కోర్సులు ఆన్‌లైన్‌లో, రెగ్యులర్ విధానంలో కూడా అందుబాటులో ఉన్నాయి.
వెబ్‌సైట్: www.gurucooledutech.com
