దేశంలో ఎంబీఏకు బెస్ట్ ఇన్‌స్టిట్యూట్‌లు ఏవో తెలపండి? -రామారావు

నేషనల్ ఇన్‌స్టిట్యూషనల్ ర్యాంకింగ్ ఫ్రేమ్‌వర్క్-2019 ప్రకారం మేనేజ్‌మెంట్ విద్యలో ఐఐఎం బెంగళూరు తొలి స్థానంలో నిలిచింది. టీచింగ్, లెర్నింగ్ అండ్ రిసోర్సెస్ (టీఎల్‌ఆర్)లో 92.85(100), రీసెర్చ్, ప్రొఫెషనల్ ప్రాక్టీస్ అండ్ కొలాబరేటివ్ పెర్ఫార్మెన్స్(ఆర్‌పీసీ)లో 55.03(100), గ్రాడ్యుయేషన్ ఔట్‌కమ్(ఓసీ)లో 98.35(100), ఔట్‌రీచ్ అండ్ ఇంక్లూజివిటీ(ఓఐ)లో 73.09(100), పెర్‌సెప్షన్‌లో100(100) స్కోరుతో ఐఐఎం-బి అగ్రస్థానాన్ని కైవసం చేసుకుంది. తర్వాతి స్థానాల్లో ఐఐఎం అహ్మదాబాద్, ఐఐఎం కలకత్తా, ఐఐఎం లక్నో, ఐఐఎం ఇండోర్‌లు నిలిచాయి. ఐఐఎంలో ఎంబీఏ, పీజీడీఎం, పీజీపీఎం కోర్సులను అభ్యసించాలంటే.. జాతీయ స్థాయిలో నిర్వహించే క్యాట్‌లో ప్రతిభ చూపాల్సి ఉంటుంది. ఐఐఎం, ఐఐటీలను పక్కనె బెట్టి చూస్తే జంషెడ్‌పూర్‌లోని గ్జేవియర్ లేబర్ రిలేషన్స్ ఇన్‌స్టిట్యూట్, గుర్‌గావ్‌లోని మేనేజ్‌మెంట్ డెవలప్‌మెంట్ ఇన్‌స్టిట్యూట్(ఎండీఐ), ముంబైలోని ఎస్‌పీ జైన్ ఇన్‌స్టిట్యూట్ ఆఫ్ మేనేజ్‌మెంట్ అండ్ రీసెర్చ్, చెన్నైలోని గ్రేట్ లేక్స్ ఇన్‌స్టిట్యూట్ ఆఫ్ మేనేజ్‌మెంట్, పుణెలోని సింబయాసిస్, ముంబైలోని నర్సిమోంజీ తదితర ఇన్‌స్టిట్యూట్‌లు టాప్‌లో నిలిచాయి.