దూరవిద్య విధానంలో ఎంబీఏ కోర్సును అందించే ఇన్‌స్టిట్యూట్‌ల వివరాలు తెలపండి?

పనిచేస్తూ ఉన్నత విద్యను అభ్యసించాలనుకునేవారికి పార్ట్ టైం విధానంలో ఎంబీఏ ఉపకరిస్తుంది.

కోర్సును అందించే కొన్ని ఇన్‌స్టిట్యూట్‌ల వివరాలు:

• హైదరాబాద్‌లోని జవహర్‌లాల్ నెహ్రూ టెక్నలాజికల్ యూనివర్సిటీలోని స్కూల్ ఆఫ్ మేనేజ్‌మెంట్ స్టడీస్ పార్ట్‌టైం విధానంలో ఎంబీఏను అందిస్తోంది. హైదరాబాద్‌లోని సంస్థల్లో పనిచేస్తున్న వారు మాత్రమే అర్హులు.
  అర్హత: ఏదైనా డిగ్రీతోపాటు ఎస్‌ఎస్‌సీలో మ్యాథమాటిక్స్ ఒక సబ్జెక్టుగా చదివి ఉండాలి.
  ప్రవేశం: ప్రవేశ పరీక్షలో ఉత్తీర్ణత, పని అనుభవం, గ్రూప్ డిస్కషన్‌లో ప్రతిభ, వ్యక్తిగత ఇంటర్వ్యూలో ప్రతిభ ఆధారంగా ప్రవేశాలు కల్పిస్తారు.
  వెబ్‌సైట్:  www.jntuh.ac.in
  
• హైదరాబాద్‌లోని ఉస్మానియా విశ్వవిద్యాలయం.. దూరవిద్య విధానంలో ఎంబీఏను అందిస్తోంది.
  అర్హత: కనీసం 45 శాతం మార్కులతో ఏదైనా డిగ్రీతోపాటు కనీసం మూడేళ్లు ఏదైనా వ్యాపార, వాణిజ్య సంస్థల్లో ఎగ్జిక్యూటివ్/మేనేజ్‌మెంట్/ పరిపాలన విభాగంలో పనిచేసి ఉండాలి.
  ప్రవేశం: ప్రవేశ పరీక్షలో ఉత్తీర్ణత ఆధారంగా.
  వెబ్‌సైట్: www.osmania.ac.in