ఆంధ్రప్రదేశ్‌ రాష్ట్రం, అనంతపురం జిల్లా, గోరంట్ల మండలం, పాలసముద్రం గ్రామ సమీపంలో నేషనల్‌ అకాడమీ ఆఫ్‌ కస్టమ్స్, ఇన్‌డైరెక్ట్‌ డ్యూటీస్‌ అండ్‌ నార్కొటిక్స్‌(నాసిన్‌) ఏర్పాటు కానుంది. ‘నాసిన్‌’ భవన సముదాయానికి భూమిపూజ మార్చి 5న ఘనంగా జరిగింది. ఈ కార్యక్రమానికి కేంద్ర ఆర్థిక శాఖ మంత్రి నిర్మలా సీతారామన్‌ ముఖ్య అతిథిగా హాజరై, భూమిపూజ చేశారు. కార్యక్రమంలో రాష్ట్ర ఆర్థిక మంత్రి మంత్రులు బుగ్గన రాజేంద్రనాథ్‌ రెడ్డి, రోడ్లు, భవనాల శాఖ మ్రంత్రి మాలగుండ్ల శంకరనారాయణ పాల్గొన్నారు.
నాసిన్‌ భూమిపూజ సందర్భంగా మంత్రి నిర్మలా సీతారామన్‌ మాట్లాడుతూ... నాసిన్‌ ఏర్పాటుతో రాష్ట్రం మరింత ప్రగతి సాధిస్తుందని చెప్పారు. 2024 నాటికి నాసిన్‌ పనులు పూర్తి చేస్తామన్నారు. ప్రత్యక్ష, పరోక్ష పన్నుల వసూలు, మత్తు పదార్థాల నిర్మూలన విస్తృతంగా చేపడతామన్నారు. ఉత్తరాఖండ్‌ రాష్ట్రం ముస్సోరిలో ఐఏఎస్‌ అధికారులకు, హైదరాబాద్‌లోని సర్దార్‌ వల్లబాయ్‌ పటేల్‌ పోలీస్‌ అకాడమీలో ఐపీఎస్‌లకు శిక్షణ ఇచ్చే విధంగానే ఇక్కడి నాసిన్‌లో ఐఆర్‌ఎస్‌లకు ప్రపంచ స్థాయి శిక్షణ ఇస్తామని చెప్పారు. జాతీయ, అంతర్జాతీయ స్థాయి కస్టమ్స్ ఉద్యోగులు అకాడమీకి అనుసంధానమై ఉంటారన్నారు.
చ‌ద‌వండి: తెలంగాణ, జార్ఖండ్‌ ముఖ్యమంత్రుల సమావేశం ఎక్కడ జరిగింది?
క్విక్‌ రివ్యూ :
ఏమిటి : నేషనల్‌ అకాడమీ ఆఫ్‌ కస్టమ్స్, ఇన్‌డైరెక్ట్‌ డ్యూటీస్‌ అండ్‌ నార్కొటిక్స్‌(నాసిన్‌) ఏర్పాటుకు భూమిపూజ
ఎప్పుడు : మార్చి 5
ఎవరు : కేంద్ర ఆర్థిక శాఖ మంత్రి నిర్మలా సీతారామన్‌
ఎక్కడ : పాలసముద్రం గ్రామం, గోరంట్ల మండలం, అనంతపురం జిల్లా, ఆంధ్రప్రదేశ్‌
ఎందుకు : ఐఆర్‌ఎస్‌లకు ప్రపంచ స్థాయి శిక్షణ ఇచ్చేందుకు..
డౌన్‌లోడ్‌ చేసుకోండి:
తాజా విద్యా సమాచారం, అన్ని రకాల పోటీ పరీక్షలకు సంబంధించిన కరెంట్‌ అఫైర్స్, స్టడీ మెటీరియల్‌తో పాటు తరగతులకు(అకాడెమిక్స్‌) సంబంధించిన స్టడీ మెటీరియల్‌ను పొందడానికి, కెరీర్‌ అవకాశాలను తెలుసుకోవడానికి సాక్షి ఎడ్యుకేషన్‌ యాప్‌ను ఇప్పుడే డౌన్‌లోడ్‌ చేసుకోండి.
యాప్‌ డౌన్‌లోడ్‌ ఇలా..
డౌన్‌లోడ్‌ వయా గూగుల్‌ ప్లేస్టోర్‌
More Articles
Most Read
