Sakshi Education

జిమ్‌ చేసే సిక్స్‌ప్యాక్‌ బాడీ అయినా రోజూ 100 పుష్‌అప్‌లు చేస్తేనే బాగా అలిసిపోతారు. అలాంటిది ఆస్ట్రేలియాకు చెందిన ఒక వ్యక్తి కేవలం గంటలో 3,206 పుష్‌అప్‌లు చేసి గిన్నిస్‌ వరల్డ్‌ రికార్డులకెక్కారు.

Australian father sets Guinness World Record

ఆస్ట్రేలియాలోని బ్రిస్బేన్‌కు చెందిన 33 ఏళ్ల లుకాస్‌ హెల్మెక్‌ పుష్‌ అప్‌లు చేయడం ద్వారా తనకున్న స్టామినా ఏంటో ప్రపంచానికి చూపించాడు. గంటకి 3,182 పుష్‌ అప్‌లు చేసి రికార్డు సాధించిన సాటి ఆ్రస్టేలియన్‌ డేనియల్‌ స్కాలి పేరు మీదున్న రికార్డుల్ని బద్దలు కొట్టాడు. లుకాస్‌ నిమిషానికి 53 పుష్‌ అప్‌లు చేశాడని గిన్నిస్‌ వరల్డ్‌ అధికారులు వెల్లడించారు. ఈ రికార్డు సాధించడానికి అనుభవజు్ఞలైన జిమర్‌ల దగ్గర రెండు మూడేళ్ల పాటు శిక్షణ కూడా తీసుకున్నట్టు లుకాస్‌ వెల్లడించాడు.