ఆన్‌లైన్‌ గేమ్స్‌కు బానిసలైన చిన్నారులను వాటి నుంచి విడిపించేందుకు ‘‘డిజిటల్‌ డీ అడిక్షన్‌ సెంటర్లు’’ ఏర్పాటు చేయాలని కేరళ ప్రభుత్వం నిర్ణయించింది. ఈ విషయాన్ని రాష్ట్ర ముఖ్యమంత్రి పినరయి విజయన్‌ ప్రకటించారు. పోలీస్‌ డిపార్ట్‌మెంట్‌ కింద పునర్నిర్మించిన భవనాలను విజయన్‌ సెప్టెంబర్‌ 25న వర్చువల్‌గా ప్రారంభించారు. ఈ సందర్భంగా డీ అడిక్షన్‌ సెంటర్ల గురించి ప్రకటన చేశారు. మరో 20 పోలీస్‌ స్టేషన్లను ‘చైల్డ్‌ ఫ్రెండ్లీ’గా ప్రకటించారు. దీంతో రాష్ట్రంలో ఏర్పాటైన మొత్తం చైల్డ్‌ ఫ్రెండ్లీ పోలీస్‌ స్టేషన్ల సంఖ్య 126కు చేరుకుంది.
సాంస్కృతిక నివేదిక విడుదల...
కరోనా మహమ్మారి కారణంగా 2020, మార్చి నుంచి వర్క్‌ ఫ్రమ్‌ హోమ్‌ జరుగుతున్న సంగతి తెలిసిందే. ఇలా ఇంటి నుంచి పని చేస్తున్న సమయంలో సంస్థలోని ఉద్యోగులకు, పై అధికారులకు మధ్య సమన్వయం తగ్గుతోందని ‘2022 అంతర్జాతీయ సాంస్కృతిక నివేదిక’ అనే పరిశోధనలో తేలింది. ఓ సీ ట్యానర్‌ ఇన్‌స్టిట్యూట్‌ ఆధ్వర్యంలో ఈ పరిశోధన జరిగింది. ప్రపంచవ్యాప్తంగా 21 దేశాల నుంచి సేకరించిన సమాచారంతో ఈ పరిశోధన వెలువడింది.
చ‌ద‌వండి: దేశంలో అత్యధికంగా బాల్య వివాహాలు జరుగుతున్న రాష్ట్రం?
క్విక్‌ రివ్యూ :
ఏమిటి : త్వరలో డిజిటల్‌ డీ అడిక్షన్‌ సెంటర్లు ఏర్పాటు
ఎప్పుడు : సెప్టెంబర్‌ 25
ఎవరు : కేరళ ముఖ్యమంత్రి పినరయి విజయన్‌
ఎక్కడ : కేరళ రాష్ట్ర వ్యాప్తంగా...
ఎందుకు : ఆన్‌లైన్‌ గేమ్స్‌కు బానిసలైన చిన్నారులను వాటి నుంచి విడిపించేందుకు....
More Articles
Most Read
