రాబోయే వందేళ్లలో ఈ ప్రాజెక్ట్‌ ప్రపంచ వాణిజ్యానికి ఆధారం కానుందని, భారత్‌తోపాటు యావత్‌ ప్రపంచానికే ఇది గేమ్‌ చేంజర్‌గా మారుతుందని పేర్కొన్నారు. భారత్ గడ్డపై ఈ ప్రాజెక్టును ప్రారంభించినట్లు చరిత్రలో ఓ మైలురాయిగా గుర్తుండిపోతుందని కూడా ఆమె తన ప్రసంగంలో వ్యాఖ్యానించారు. ఐమెక్‌ ప్రాజెక్ట్‌ అంటే మిడిల్‌ ఈస్ట్‌ ద్వారా భారతదేశాన్ని యూరప్‌తో అనుసంధానించే ఒక మెగా ప్రాజెక్ట్‌. ఇంకా సింపుల్‌గా చెప్పాలంటే.. ఇండియా–మిడిల్‌ ఈస్ట్‌–యూరప్‌ ఎకనామిక్‌ కారిడార్‌. గతేడాది సెప్టెంబర్‌లో ఢిల్లీ వేదికగా ఎంతో ప్రతిష్టాత్మకంగా నిర్వహించిన జీ20 సదస్సులో ఈ ప్రాజెక్ట్‌కు ఆమోదం లభించింది. ఆ సదస్సులో భారత్, యూఏఈ, సౌదీ, ఫ్రాన్స్‌, జర్మనీ, యూరోపియన్‌ యూనియన్, ఇటలీ దేశాలు ఎంఓయూపై సంతకాలు చేశాయి. భారత్ నుంచి గల్ఫ్‌ దేశాలకు.. మళ్లీ అక్కడి నుంచి ఇజ్రాయెల్‌ మీదుగా ఐరోపాలోకి సరుకులను రవాణా చేసేందుకు వీలుగా ఈ ఐమెక్‌ ప్రాజెక్ట్‌ను ప్లాన్‌ చేశారు.సెప్టెంబరు 9న ఎంఓయూ కుదరగా.. ఆ సమయంలోనే దీన్ని ఒక చారిత్రాత్మక ఒప్పందంగా ప్రధాని మోదీ అభివర్ణించారు.
More Articles
Most Read
