ఫ్రెంచ్ ఓపెన్ గ్రాండ్‌స్లామ్ మహిళల సింగిల్స్‌లో టైటిల్ విజేత?

ఫ్రాన్స్ రాజధాని పారిస్‌లో అక్టోబర్ 10న గంటా 24 నిమిషాల పాటు జరిగిన ఫైనల్లో స్వియాటెక్ 6-4, 6-1 తేడాతో నాలుగో సీడ్ సోఫియా కెనిన్ (అమెరికా)పై విజయం సాధించింది. విజేతగా నిలిచిన 19 ఏళ్ల స్వియాటెక్‌కు 16 లక్షల యూరోలు (సుమారు రూ. 13 కోట్ల 82 లక్షలు), రన్నరప్‌గా నిలిచిన కెనిన్‌కు 8 లక్షల యూరోలు (సుమారు రూ. 7 కోట్ల 34 లక్షలు) ప్రైజ్‌మనీగా లభించాయి. ఈ టోర్నీకి ముందు 54వ ర్యాంక్‌తో అన్‌సీడెడ్‌గా బరిలోకి దిగిన స్వియాటెక్ తాజా ప్రపంచ ర్యాంకిం‌గ్స్ లో 17వ స్థానానికి చేరుకునే అవకాశం ఉంది.

స్వియాటెక్ ఘనతలివీ...

• పోలండ్ తరఫున గ్రాండ్‌స్లామ్ సింగిల్స్ టైటిల్ నెగ్గిన తొలి మహిళ
• అన్‌సీడెడ్‌గా దిగి ఫ్రెంచ్ ఓపెన్ గెలిచిన రెండో మహిళ.
• మోనికా సెలెస్ (18 ఏళ్ల 187) రోజుల తర్వాత పిన్న వయసులో ఫ్రెంచ్ ఓపెన్ గెలిచిన (19 ఏళ్ల 132 రోజులు) మహిళ.
• గత 40 ఏళ్లలో పురుషుల, మహిళల విభాగాల్లో కెరీర్‌లో తొలి టైటిల్‌గా గ్రాండ్‌స్లామ్‌ను గెలిచిన నాలుగో క్రీడాకారిణి
• 1975 తర్వాత ఇంత తక్కువ ర్యాంక్ (54) ఉన్న క్రీడాకారిణి ఫ్రెంచ్ ఓపెన్ గెలవడం ఇదే మొదటిసారి.

క్విక్ రివ్యూ :
ఏమిటి : ఫ్రెంచ్ ఓపెన్ గ్రాండ్‌స్లామ్ మహిళల సింగిల్స్ టైటిల్ విజేత
ఎప్పుడు : అక్టోబర్ 10
ఎవరు : ఇగా స్వియాటెక్
ఎక్కడ : పారిస్, ఫ్రాన్స్