Ministry of Jal Shakti: జాతీయ జల అవార్డును గెలుచుకున్న రాష్ట్రం?
![Water-Ministry Jal Shakthi](/sites/default/files/images/2022/01/08/water-ministry-jal-shakthi-1641633583.jpg)
కేంద్ర జల శక్తి శాఖ మంత్రి గజేంద్రసింగ్ షెకావత్ జనవరి 7న జాతీయ జల అవార్డులు–2020ను ప్రకటించారు. ఇందులో ఉత్తమ రాష్ట్ర విభాగంలో ఉత్తరప్రదేశ్కు ప్రథమ బహుమతి లభించింది. ఉత్తరప్రదేశ్ తర్వాతి స్థానాల్లో రాజస్థాన్, తమిళనాడు రాష్ట్రాలు నిలిచాయి. ఆంధ్రప్రదేశ్లోని వైఎస్సార్ కడప జిల్లాకు కూడా అవార్డు లభించింది. వైఎస్సార్ జిల్లా... సౌత్ జోన్ పరిధిలో ఉత్తమ జిల్లా కేటగిరీలో రెండో స్థానం సాధించింది.
జల్ సమృద్ధ్ భారత్..
అవార్డుల ప్రకటన సందర్భంగా మంత్రి షెకావత్ మాట్లాడుతూ... ప్రపంచ జనాభాలో భారతదేశ జనాభా 18 శాతం కంటే ఎక్కువగా ఉండగా, పునరుత్పాదక నీటి వనరుల్లో మాత్రం కేవలం నాలుగు శాతమే ఉందన్నారు. ఈ నేపథ్యంలోనే ‘జల్ సమృద్ధ్ భారత్’ సాధనలో దేశవ్యాప్తంగా రాష్ట్రాలు, జిల్లాలు, వ్యక్తులు, సంస్థలు చేసిన ఆదర్శప్రాయమైన పనులు, ప్రయత్నాలను గుర్తించి ప్రోత్సహించేందుకు జాతీయ జల అవార్డులను ప్రధానం చేస్తున్నట్టు తెలిపారు. నీటి వనరుల నిర్వహణలో సమగ్ర విధానాన్ని అవలంబించేలా ఏకీకృత జాతీయ జల అవార్డును ఏర్పాటు చేయాల్సిన అవసరం ఉందని పేర్కొన్నారు.
చదవండి: GK Persons Quiz: డిస్నీ బైజు ఎర్లీ లెర్న్ యాప్ బ్రాండ్ అంబాసిడర్?
క్విక్ రివ్యూ :
ఏమిటి : 2020 జాతీయ జల అవార్డుల్లో ఉత్తమ రాష్ట్ర విభాగంలో ప్రథమ బహుమతి గెలుచుకున్న రాష్ట్రం?
ఎప్పుడు : జనవరి 7
ఎవరు : ఉత్తరప్రదేశ్
ఎందుకు : ‘జల్ సమృద్ధ్ భారత్’ సాధనలో.. ఆదర్శప్రాయమైన పనులు, ప్రయత్నాలు చేసినందుకు..
డౌన్లోడ్ చేసుకోండి:
తాజా విద్యా సమాచారం, అన్ని రకాల పోటీ పరీక్షలకు సంబంధించిన కరెంట్ అఫైర్స్, స్టడీ మెటీరియల్తో పాటు తరగతులకు(అకాడెమిక్స్) సంబంధించిన స్టడీ మెటీరియల్ను పొందడానికి, కెరీర్ అవకాశాలను తెలుసుకోవడానికి సాక్షి ఎడ్యుకేషన్ యాప్ను ఇప్పుడే డౌన్లోడ్ చేసుకోండి.
యాప్ డౌన్లోడ్ ఇలా...
డౌన్లోడ్ వయా గూగుల్ ప్లేస్టోర్