National Water Awards: ఆంధ్రప్రదేశ్‌కు ఐదు జ‌ల‌శక్తి అవార్డులు

2023 సంవత్సరానికి ఏపీకి ఐదు జ‌ల‌శక్తి అవార్డులు ల‌భించాయి. ఈ అవార్డులను అక్టోబ‌ర్ 22వ తేదీ ఢిల్లీలోని విజ్ఞాన్ భవన్‌లో రాష్ట్రపతి ద్రౌపది ముర్ము, కేంద్ర జలశక్తి శాఖ మంత్రి సీఆర్ పాటిల్ అధికారులకు అందచేశారు. 

ఏటా ఉత్తమ జిల్లా, ఉత్తమ గ్రామ పంచాయతీ, ఉత్తమ పట్టణ స్థానిక సంస్థ, ఉత్తమ పాఠశాల/కాలేజీ, ఉత్తమ పరిశ్రమ, ఉత్తమ నీటివినియోగదారుల సంఘం, ఉత్తమ పౌరసమాజం వంటి వివిధ విభాగాలలో కేంద్రం అవార్డులను ప్రకటిస్తుంది. జలశక్తిశాఖ ప్రకటించిన ఈ అవార్డుల్లో 2023 సంవత్సరానికి రాష్ట్రం ఐదు జాతీయ అవార్డులను సాధించింది.

➤ విశాఖపట్నం జిల్లా నీటిసంరక్షణలో ప్రతిభ చూపినందుకు దక్షిణాదిలో ఉత్తమ జిల్లా ర్యాం కును కైవసం చేసుకుంది. ఈ అవార్డును విశాఖ కలెక్టర్ హరేందిరప్రసాద్, ఇరిగేషన్ చీఫ్ ఇంజనీర్ టీవీఎన్ఆర్ కుమార్ రాష్ట్రపతి ద్రౌపది ముర్ము నుంచి అందుకున్నారు. 

World Record: గిన్నిస్‌ రికార్డు.. ప్రపంచంలోనే అతి చిన్న వాషింగ్ మెషీన్‌ను రూపొందించిన భారతీయుడు..!

➤ 78 నీటిసంరక్షణ నిర్మాణాలతో పాటు, కొండ ప్రాంతాల్లో ట్రెంచ్‌లు, మినీ సర్క్యులేషన్ ట్యాంకులు, పంటకుంటలు, చేపల చెరువులు, ఇంకుడు గుంతలు, ట్రెంచ్ల తవ్వకం, చెక్ డ్యాంల నిర్మాణం చేపట్టినందుకుగాను అనంతపురం జిల్లాలోని హంపాపురం ఉత్తమ పంచాయతీగా కేంద్రంగా ఎంపికైంది.

➤ వాననీటి సంరక్షణ విభాగంలో గుంటూరుకు చెందిన కోనేరు లక్ష్మయ్య ఎడ్యుకేషన్ ఫౌండేషన్ ఈ అవార్డు కైవసం చేసుకుంది. 

➤ విశాఖలోని శ్రీతిరుమల నగర్ రెసిడెంట్ వెల్ఫేర్ - అసోసియేషన్ తమ కాలనీలో 100 రూఫ్ రెయిన్ వాటర్ హార్వెస్టింగ్ నిర్మాణాలు చేపట్టి 16 లక్షల లీటర్ల నీటిని ఆదా చేసింది.

➤ తిరుపతి ఐఐటీ ఈ పోటీలో స్పెషల్ మెన్షన్ గెల్చుకుంది. వాననీటిని వందశాతం సేకరించే విధంగా 8.87 కోట్ల లీటర్ల సామర్థ్యంతో రెండు చెరువులు నిర్మించినందుకు ఈ అవార్డు లభించింది. ఈ అవార్డును తిరుపతి ఐఐటీ డైరెక్టర్ కేఎన్ స‌త్యనారాయణ అందుకున్నారు.

Mithun Chakraborty: మిథున్‌ చక్రవర్తికి 'దాదాసాహెబ్‌ ఫాల్కే అవార్డు'