నాన్-ఐటీలో రిక్రూట్‌మెంట్, వేతన వివరాలు ఇలా..

అప్పటికప్పుడు అవసరమైన పోస్టుల కోసం జాబ్ పోర్టల్స్ ఆధారంగా అభ్యర్థులను గుర్తించి నియామక ప్రక్రియ చేపడుతున్నాయి. నాన్-ఐఐటీ, నాన్-ఐఐఎం విద్యార్థులు జాబ్ పోర్టల్స్, సంస్థల వెబ్‌సైట్స్‌లోని కెరీర్ కాలమ్స్‌ను నిరంతరం వీక్షించడం ద్వారా ఆయా కంపెనీల్లో ఖాళీల వివరాలు తెలుసుకోవచ్చు.

వేతనాలు ఆకర్షణీయం..
టెక్నికల్ విభాగాల్లో నియామకాలు చేపడుతున్న నాన్-ఐటీ సెక్టార్‌లోని సంస్థలు..ఆకర్షణీయమైన వేత నాలను అందిస్తున్నాయి. ఏఐ ఎగ్జిక్యూటివ్స్, రోబోటిక్ ఇంజనీర్స్, బ్లాక్‌చైన్ టెక్నాలజీ ఎగ్జిక్యూ టివ్స్ వంటి హోదాల్లో నియామకాలు చేపడుతూ గరిష్టంగా రూ.లక్ష వరకు వేతనం అందిస్తున్నాయి.

నాన్-ఐటీ సెక్టార్స్.. ముఖ్యాంశాలు

• బీఎఫ్‌ఎస్‌ఐ, మాన్యుఫ్యాక్చరింగ్, రిటైల్, ఈ-కామర్స్, ఫిన్-టెక్, హెల్త్-టెక్ సంస్థల్లో ఐటీ నియామకాలు.
• ఏటా అయిదు నుంచి పది శాతం మేర పెరుగుతున్న నాన్ ఐటీ రంగ రిక్రూట్‌మెంట్స్.
• పలు గణాంకాలు, సర్వేల ప్రకారం-నాన్- ఐటీ సెక్టార్‌లో మొత్తం నియామకాల్లో 20 శాతం మేర టెక్నికల్ పోస్టులే.
• ఆర్ అండ్ డీ, ప్రొడక్ట్ ఇన్నోవేషన్ విభాగాల్లోనూ ఐటీ గ్రాడ్యుయేట్లకు ఉద్యోగాలు.
  

పరిధిని విస్తృతం చేసుకునేలా..
నాన్-ఐటీ రంగంలో టెక్నికల్ ఉద్యోగాలు లభిస్తున్నాయనడంలో సందేహం లేదు. ప్రస్తుతం ఎక్కువ మంది విద్యార్థులు ఐటీ ఉద్యోగం అంటే సాఫ్ట్‌వేర్ సంస్థలే ప్రధాన గమ్యం అని భావిస్తున్నారు. ఈ దృక్పథాన్ని వీడి విస్తృత కోణంలో ఆలోచించాలి. తమ బ్రాంచ్‌కు సంబంధించి లేటెస్ట్ టెక్నాలజీస్‌ను సొంతం చేసుకుంటే.. నాన్-ఐటీ సెక్టార్‌లోనూ ఉద్యోగాలు సొంతం చేసుకోవడం మరింత సులభం అవుతుంది.
- శశికుమార్, ఎండీ, ఇండీడ్ ఇండియా

ఇంకా చదవండి: బీటెక్ విద్యార్థులకు నాన్-ఐటీ రంగంలో విస్తృత అవకాశాలు.. అందుకోండిలా..