ఇంటర్ పరీక్షల్లో టాప్ స్కోర్ సాధించేందుకు...సబ్జెక్ట్ నిపుణుల సలహాలు-సూచనలు

- ఎం.ఎన్.రావు, మ్యాథమెటిక్స్ సబ్జెక్ట్ నిపుణులు

ఫిజిక్స్ :
ద్వితీయ సంవత్సరం ఫిజిక్స్‌లో ఉండే మూవింగ్ ఛార్జెస్ అండ్ మ్యాగ్నటిజం; కరెంట్ ఎలక్ట్రిసిటీ; ఆప్టికల్ ఇన్‌స్ట్రుమెంట్స్; పరమాణువు, వేవ్స్; సెమీ కండక్టర్ ఎలిమెంట్స్ వంటి అంశాల్లో పట్టు సాధించేందుకు కృషి చేయాలి. మొదటి సంవత్సరం విద్యార్థులు రొటేటరీ మోషన్; యూనివర్సల్ గ్రావిటేషన్ లా; ఎస్కేప్ వెలాసిటీ; సింపుల్ హార్మోనిక్ మోషన్; సర్ఫేస్ టెన్షన్, థర్మోడైనమిక్స్ వంటి అంశాలకు అధిక సమయం కేటాయించాలి. ఈ సబ్జెక్ట్‌లోని చాప్టర్లకు లభిస్తున్న వెయిటేజీ కోణంలో వేవ్స్; ఆప్టిక్స్; స్టాటిక్ ఎలక్ట్రిసిటీ; కరెంట్ ఎలక్ట్రిసిటీ; మూవింగ్ ఛార్జెస్ ఇన్ మ్యాగ్నటిజం; ఎలక్ట్రోమాగ్నెటిక్ ఇండక్షన్; డ్యూయల్ నేచర్ ఆఫ్ మేటర్; సెమీ కండక్టర్ డివెజైస్‌కు ప్రాధాన్యం ఇవ్వాలి. ఫిజిక్స్‌లో న్యూమరికల్ వాల్యూ ఆధారిత ప్రశ్నలను సాధన చేయాలి. ఇందుకోసం బేసిక్స్, ఫార్ములాలు, కాన్సెప్ట్‌లపై పూర్తి అవగాహన పెంచుకోవాలి. సెమీకండక్టర్ డివెజైస్,న్యూక్లియర్ ఫిజిక్స్, ఎలక్ట్రోమ్యాగ్నెటిక్స్ నుంచి దీర్ఘ సమాధాన ప్రశ్నలు వచ్చే అవకాశం ఉంది. ఫిజిక్స్‌కు సంబంధించి విద్యార్థులు ఎలక్ట్రోస్టాటిక్ వేవ్ మోషన్, ఆప్టిక్స్‌ను కఠినమైనవిగా భావిస్తారు. విద్యార్థులు డాప్లర్ ప్రభావం, ఫ్లేమ్స్ ఎడమ, కుడి నియమాలు, అర్ధవాహక పరికరాలు, వేవ్ మోషన్; సెమీ కండక్టర్ ఎలిమెంట్స్; మూవింగ్ ఛార్జెస్-మ్యాగ్నటిజం; విద్యుదయస్కాంత ప్రేరణల గురించి క్షుణ్నంగా చదవడం తప్పనిసరి.
- సి.హెచ్.రామకృష్ణ, ఫిజిక్స్ సబ్జెక్ట్ నిపుణులు


కెమిస్ట్రీ :
కెమిస్ట్రీలోని టాపిక్స్ అధిక శాతం కాన్సెప్ట్‌ల ఆధారంగా ఉంటాయి. దీంతో విద్యార్థులు ఈ సబ్జెక్ట్‌ను కొంత క్లిష్టంగా భావిస్తారు. ప్రాక్టీస్‌తో ఈ సమస్యను అధిగమించొచ్చు. ముఖ్యంగా సాలిడ్ స్టేట్, ఆర్గానిక్ కెమిస్ట్రీ, కాంప్లెక్స్ కాంపౌండ్స్ చాప్టర్లను బాగా ప్రాక్టీస్ చేయాలి. వీటిలో నుంచి ఎక్కువగా రీజనింగ్ ప్రశ్నలు వచ్చే అవకాశం ఉంది. ప్రస్తుత సమయంలో అకాడమీ పుస్తకాలను చదువుతూ... ముఖ్యమైన పాయింట్లను అండర్‌లైన్ చేసుకోవాలి. ముఖ్యాంశాలను నోట్స్ రూపంలో రాసుకొని రివిజన్ చేయాలి. పి-బ్లాక్ ఎలిమెంట్స్, ఆర్గానిక్ కెమిస్ట్రీ; విద్యుత్ రసాయన శాస్త్రం, కెమికల్ కై నటిక్స్‌లోని దీర్ఘ సమాధాన ప్రశ్నలు, నాలుగు మార్కుల ప్రశ్నల ప్రాక్టీస్‌కు ప్రాధాన్యం ఇవ్వాలి. ఆర్గానిక్,ఇనార్గానిక్, ఫిజికల్ కెమిస్ట్రీల్లో ప్రతిదాన్నుంచి ఒక దీర్ఘ సమాధాన ప్రశ్న చొప్పున అడుగుతారు. అదే విధంగా పి-బ్లాక్ మూలకాలు, డి,ఎఫ్-బ్లాక్ మూలకాలు, లోహ శాస్త్రం వంటి అంశాలకు ఎక్కువ సమయం కేటాయించాలి. ఆర్గానిక్ కెమిస్ట్రీలోని అన్ని ముఖ్యాంశాలను చదవాలి. ప్రథమ సంవత్సరం విద్యార్థులు.. కర్బన రసాయన శాస్త్రం; ఆవర్తన పట్టిక; పరమాణు నిర్మాణం; రసాయన బంధం అంశాలపై అధికంగా దృష్టిపెట్టాలి. బైపీసీ విద్యార్థులు కెమిస్ట్ట్రీలో.. ఆవర్తన పట్టిక; కర్బన రసాయన శాస్త్రం; రసాయన బంధం; పరమాణు నిర్మాణం అంశాలకు ఎక్కువ ప్రాధాన్యం ఇవ్వాలి. వీటిలోని సమస్యలను సాధన చేస్తూనే సినాప్సిస్ రూపొందించుకుంటే.. రివిజన్‌కు ఉపయుక్తంగా ఉంటుంది. ద్వితీయ సంవత్సరంలో పి-బ్లాక్ ఎలిమెంట్స్; ఆర్గానిక్ కెమిస్ట్రీ; విద్యుత్ రసాయన శాస్త్రం; కెమికల్ కైనటిక్స్‌లోని దీర్ఘ సమాధాన ప్రశ్నలు, నాలుగు మార్కుల ప్రశ్నల ప్రాక్టీస్‌కు ప్రాధాన్యం ఇవ్వాలి.
- విజయ్ కిశోర్, కెమిస్ట్రీ సబ్జెక్ట్ నిపుణులు


బైపీసీ.. బోటనీ, జువాలజీ కీలకం :
బైపీసీ విద్యార్థులు బోటనీ, జువాలజీ సబ్జెక్ట్‌లను విశ్లేషణాత్మక దృక్పథంతో ప్రిపేరవ్వాలి. ముఖ్యంగా అనువర్తిత ఆధారిత ప్రిపరేషన్ సాగించాలి.
బోటనీ :
బోటనీలో ఫ్లో చార్ట్‌లు, డయాగ్రమ్స్ వేయడం ప్రాక్టీస్ చేయాలి. మొదటి సంవత్సరం విద్యార్థులు.. మొక్కల నిర్మాణాత్మక సంవిధానం-స్వరూప శాస్త్రం; జీవ ప్రపంచంలో వైవిధ్యం; కణ నిర్మాణం, విధులు; మొక్కల అంతర్ నిర్మాణ సంవిధానం, మొక్కల్లో ప్రత్యుత్పత్తి యూనిట్లపై ఎక్కువ దృష్టిపెట్టాలి. దీనికి సంబంధించి డయాగ్రమ్స్ వేయడం బాగా ప్రాక్టీస్ చేయాలి. డైవర్సిటీ ఇన్ ది లివింగ్ వరల్డ్, స్ట్రక్చరల్ ఆర్గనైజేషన్స్ ఇన్ ప్లాంట్స్(మార్ఫాలజీ), రీ ప్రొడక్షన్ ఇన్ ప్లాంట్స్, ప్లాంట్ సిస్టమాటిక్స్, సెల్ స్ట్రక్చర్ అండ్ ఫంక్షన్, ఇంటర్నల్ ఆర్గనైజేషన్స్ ఆఫ్ ప్లాంట్స్, ప్లాంట్ ఎకాలజీ, ప్లాంట్ ఫిజియాలజీ, మైక్రోబయాలజీ(బ్యాక్టీరియా,వైరస్), జెనిటిక్స్, మాలిక్యులర్ బయాలజీ, బయోటెక్నాలజీ, ప్లాంట్స్, మైక్రోబ్స్ అండ్ హ్యూమన్ వెల్ఫేర్ టాపిక్స్‌పైనా అవగాహన పెంచుకోవాలి. ద్వితీయ సంవత్సరం విద్యార్థులు మొక్కల శరీర ధర్మశాస్త్రం; బయోటెక్నాలజీ; మైక్రోబ్స్, అణు జీవశాస్త్రం యూనిట్లకు ప్రాధాన్యం ఇవ్వాలి.
- బి.రాజేంద్ర, బోటనీ సబ్జెక్ట్ నిపుణులు

జువాలజీ :
ద్వితీయ సంవత్సరం విద్యార్థులు జువాలజీలో మానవ ప్రత్యుత్పత్తి వ్యవస్థ, ప్రత్యుత్పత్తి సంబంధిత ఆరోగ్యం; అంతస్రావక వ్యవస్థ, నాడీ నియంత్రణ -సమన్వయం; శరీర ద్రవాలు, ప్రసరణ, విసర్జక పదార్థాలు; జన్యు శాస్త్రాలకు అధిక ప్రాధాన్యం ఇవ్వాలి. ప్రథమ సంవత్సరం విద్యార్థులు.. జంతుదేహ నిర్మాణం; గమనం, ప్రత్యుత్పత్తి; జీవావరణం; పర్యావరణం; బొద్దింక జీవ వ్యవస్థ వంటి అంశాలపై పూర్తిస్థాయిలో పట్టు సాధించాలి. ఈ సబ్జెక్ట్‌లో కూడా గ్రాఫికల్ ప్రజంటేషన్ మార్కుల సాధనలో కీలకంగా మారుతుంది. కాబట్టి డయాగ్రమ్స్ ప్రాక్టీస్ చేయాలి. జువాలజీ రెండు సంవత్సరాలకు సంబంధించి డైవర్సిటీ ఆఫ్ లివింగ్ వరల్డ్, స్ట్రక్చరల్ ఆర్గనైజేషన్ ఇన్ యానిమల్స్, యానిమల్ డైవర్సిటీ, లోకోమోషన్ అండ్ రీప్రొడక్షన్ ఇన్ ప్రొటొజోవా, బయాలజీ అండ్ హ్యూమన్ వెల్ఫేర్, స్టడీ ఆఫ్ పెరిప్లెనేటా అమెరికానా, ఎకాలజీ అండ్ ఎన్విరాన్‌మెంట్, హ్యూమన్ అనాటమీ అండ్ ఫిజియాలజీ, హ్యూమన్ రీప్రొడక్షన్, జెనిటిక్స్, ఆర్గానిక్ ఎవల్యూషన్, అప్లయిడ్ బయాలజీలపై ప్రత్యేక దృష్టితో చదవాలి.
-శ్రీనివాసులు, జువాలజీ సబ్జెక్ట్ నిపుణులు

కామన్ టిప్స్ ఫర్ ఆల్ సబ్జెక్ట్స్ :

ఇంటర్మీడియెట్ - 2020 పరీక్షల టైమ్ టేబుల్ :
ప్రథమ సంవత్సరం :

తేదీ	పరీక్ష పేపర్
04-03-2020	సెకండ్ లాంగ్వేజ్ పేపర్-1
06-03-2020	ఇంగ్లిష్ పేపర్-1
09-03-2020	మ్యాథమెటిక్స్ పేపర్ 1-ఎ; బోటనీ పేపర్-1, సివిక్స్ పేపర్-1
12-03-2020	మ్యాథమెటిక్స్ పేపర్ 1-బి;జువాలజీ పేపర్-1; హిస్టరీ పేపర్-1
14-03-2020	ఫిజిక్స్ పేపర్-1; ఎకనామిక్స్ పేపర్-1
17-03-2020	కెమిస్ట్రీ పేపర్-1;కామర్స్ పేపర్-1; సోషియాలజీ పేపర్-1; ఫైన్ ఆర్ట్స్, మూజిక్ పేపర్-1
19-03-2020	పబ్లిక్ అడ్మినిస్ట్రేషన్ పేపర్-1;లాజిక్ పేపర్-1; బ్రిడ్జ్ కోర్స్ మ్యాథ్స్ పేపర్-1 (బైపీసీ విద్యార్థులకు)
21-03-2020	మోడ్రన్ లాంగ్వేజ్ పేపర్-1; జాగ్రఫీ పేపర్-1

గమనిక: తెలంగాణలో మ్యాథమెటిక్స్ పేపర్-1ఎ, బోటనీ పేపర్-1, సివిక్స్ పేపర్-1, సైకాలజీ పేపర్-1లను మార్చి పదో తేదీన నిర్వహించనున్నారు.

ద్వితీయ సంవత్సరం టైమ్ టేబుల్ :

తేదీ	పరీక్ష పేపర్
05-03-2020	సెకండ్ లాంగ్వేజ్ పేపర్-2
07-03-2020	ఇంగ్లిష్ పేపర్-2
11-03-2020	మ్యాథమెటిక్స్ పేపర్ 2-ఎ; బోటనీ పేపర్-2, సివిక్స్ పేపర్-2
13-03-2020	మ్యాథమెటిక్స్ పేపర్ 2-బి; జువాలజీ పేపర్-2; హిస్టరీ పేపర్-2
16-03-2020	ఫిజిక్స్ పేపర్-2; ఎకనామిక్స్ పేపర్-2
18-03-2020	కెమిస్ట్రీ పేపర్-2; కామర్స్ పేపర్-2; సోషియాలజీ పేపర్-2; ఫైన్ ఆర్ట్స్, మూజిక్ పేపర్-2
20-03-2020	పబ్లిక్ అడ్మినిస్ట్రేషన్ పేపర్-2; లాజిక్ పేపర్-2; బ్రిడ్జ్ కోర్స్ మ్యాథ్స్ పేపర్-2 (బైపీసీ విద్యార్థులకు)
23-03-2020	మోడ్రన్ లాంగ్వేజ్ పేపర్-2; జాగ్రఫీ పేపర్-2

ఇంటర్మీడియెట్ స్టడీమెటీరియల్, సిలబస్, మోడల్ పేపర్స్, ప్రీవియస్ పేపర్స్, ప్రిపరేషన్ గెడైన్స్ మొదలైన వాటి కోసం ఈ లింక్‌ను క్లిక్ చేయండి