బిట్‌శాట్-2019 విజయానికి వ్యూహాలు..!

పార్ట్-4లో పేర్కొన్న మ్యాథమెటిక్స్ లేదా బయాలజీ సబ్జెక్టుల్లో బీఫార్మసీ ఔత్సాహిక విద్యార్థులు ఏదో ఒక సబ్జెక్టును ఎంపిక చేసుకోవచ్చు. బీఈ కోర్సుల అభ్యర్థులు మాత్రం తప్పనిసరిగా మ్యాథమెటిక్స్ సబ్జెక్టుతోనే పరీక్ష రాయాల్సి ఉంటుంది. పరీక్ష వ్యవధి మూడు గంటలు. ఒక్కో ప్రశ్నకు మూడు మార్కులు చొప్పున మొత్తం 150 ప్రశ్నలతో 450 మార్కులకు పరీక్ష జరుగుతుంది. నెగెటివ్ మార్కింగ్ విధానం కూడా ఉంది. ప్రతి తప్పు సమాధానానికి ఒక మార్కును తగ్గిస్తారు.

అదనంగా 12 ప్రశ్నలు..
బిట్‌శాట్ ఆన్‌లైన్ టెస్ట్‌లో మరో ప్రత్యేకత.. పరీక్షకు కేటాయించిన మూడు గంటల వ్యవధిలోపే 150 ప్రశ్నలను పూర్తిచేసిన అభ్యర్థులకు.. అదనంగా మరో 12 ప్రశ్నలకు సమాధానం ఇచ్చే అవకాశం కల్పిస్తారు. ఫిజిక్స్, కెమిస్ట్రీ, మ్యాథమెటిక్స్ లేదా బయాలజీ నుంచి నాలుగు ప్రశ్నలు చొప్పున ఇస్తారు.

ఆన్‌లైన్ టెస్ట్.. స్లాట్
ఆన్‌లైన్ విధానంలో కంప్యూటర్ బేస్డ్ టెస్ట్‌గా బిట్‌శాట్-2019ను మొత్తం 11 రోజుల వ్యవధిలో రోజుకు రెండు స్లాట్లతో నిర్వహించనున్నారు. నిర్దిష్ట వ్యవధిలో అభ్యర్థులు తమకు నచ్చిన తేదీ, స్లాట్‌లో పరీక్షకు హాజరయ్యే వెసులుబాటు ఉంటుంది. ఇందుకోసం.. తాము ఎంపిక చేసుకున్న టెస్ట్ సెంటర్‌లో తమకు అనుకూలమైన స్లాట్‌ను రిజర్వ్ చేసుకునేందుకు వీలైనంత త్వరగా ఉపక్రమించాలి.

బోర్డ్ టాపర్స్.. డెరైక్ట్ అడ్మిషన్స్ :
బిట్స్ ప్రవేశాల పరంగా మరో విశిష్టత.. ఆయా రాష్ట్రాల బోర్డ్‌ల పరిధిలో స్టేట్ టాపర్స్‌గా నిలిచిన అభ్యర్థులకు బిట్‌శాట్‌కు హాజరు నుంచి మినహాయింపు లభిస్తుంది. ఈ బోర్డ్ టాపర్స్ నేరుగా ఇంటిగ్రేటెడ్ ఫస్ట్ డిగ్రీ కోర్సుల్లో ప్రవేశం పొందే వీలుంది. ఈ విధానానికి కూడా విద్యార్థుల నుంచి ఎంతో ఆదరణ లభిస్తోంది. గత ఆరేళ్లలో ఆయా బోర్డ్‌లలో టాపర్స్‌గా నిలిచిన దాదాపు 50 మంది విద్యార్థులు ఈ అవకాశాన్ని వినియోగించుకోవడమే ఇందుకు నిదర్శనం.

సీటు లభిస్తే..
బిట్‌శాట్ తుది మెరిట్ జాబితాలో నిలిచి బిట్స్ క్యాంపస్‌లలో సీటు సొంతం చేసుకున్న అభ్యర్థులకు కోర్సు వ్యవధిలో విస్తృత నైపుణ్యాలు సొంతమవడం ఖాయం. కారణం.. ఆయా కోర్సులకు సంబంధించి బిట్స్ ప్రత్యేక కరిక్యులంను రూపొందించడమే. విద్యార్థుల్లో ప్రాక్టికల్ అప్రోచ్ పెరిగే విధంగా దీన్ని రూపొందించారు. బీఈ కోర్సుల్లో చేరిన విద్యార్థులు.. కోర్సు వ్యవధిలో రెండుసార్లు ప్రాక్టీస్ స్కూల్-1, ప్రాక్టీస్ స్కూల్-2 పేరుతో.. పరిశ్రమల్లో రీసెర్చ్ కార్యకలాపాల్లో పాల్గొనాల్సి ఉంటుంది.

మైనర్ ప్రోగ్రామ్స్ :
విద్యార్థులకు.. కోర్ సబ్జెక్ట్‌లే కాకుండా ఇతర అంశాల్లోనూ అవగాహన కల్పించే విధంగా మైనర్ ప్రోగ్రామ్స్ విధానాన్ని బిట్స్ అమలు చేస్తోంది. ఫైనాన్స్, అకౌంటింగ్, లిటరేచర్, హ్యుమానిటీస్ వంటి పలు సబ్జెక్ట్‌లు అందుబాటులో ఉన్నాయి. వీటిని పూర్తిచేసిన అభ్యర్థులకు సర్టిఫికెట్ ఇవ్వడం మరో విశేషం.

పెరుగుతున్న పోటీ..
బిట్‌శాట్ ద్వారా దేశంలోని మూడు క్యాంపస్‌లలో మూడు వేల సీట్లు అందుబాటులో ఉన్నాయి. వీటిలో ప్రవేశం పొందడానికి ఏటా పోటీ పెరుగుతోంది. మొత్తం 450 మార్కులకు నిర్వహించే పరీక్షలో 400కుపైగా స్కోర్ సాధిస్తేనే సీటు సొంతం చేసుకునే అవకాశం ఉంటుంది. గత మూడేళ్లలో క్యాంపస్‌ల వారీగా నమోదైన ఫైనల్ కటాఫ్‌లే ఇందుకు నిదర్శనం.

మరికొన్ని ఇన్‌స్టిట్యూట్‌లు..
బిట్‌శాట్ స్కోర్ ఆధారంగా ఇప్పుడు పలు ప్రైవేటు యూనివర్సిటీలు బీటెక్‌లో ప్రవేశం కల్పిస్తున్నాయి. ఇప్పటికే ఎన్‌ఐఐటీ యూనివర్సిటీ, బిట్స్‌తో ఒప్పందం కుదుర్చుకుంది. ఇది కాకుండా దాదాపు వంద వరకు ప్రముఖ ప్రైవేటు ఇన్‌స్టిట్యూట్‌లు తమ ప్రవేశ ప్రక్రియకు బిట్‌శాట్ స్కోర్‌ను ప్రామాణికంగా తీసుకుంటున్నాయి.

బిట్‌శాట్‌లో విజయానికి మార్గాలు...
బేసిక్స్‌పై పట్టు :
బిట్‌శాట్‌లో అడుగుతున్న ప్రశ్నలు వాటి తీరును గమనిస్తే.. జేఈఈ తరహాలోనే క్లిష్టత స్థాయి ఉంటోంది. ప్రశ్నలన్నీ దాదాపుగా అప్లికేషన్ ఓరియెంటేషన్‌తో సమాధానం ఇవ్వాల్సిన విధంగా ఉంటున్నాయి. దీంతో అభ్యర్థులు ఫిజిక్స్, కెమిస్ట్రీ, మ్యాథమెటిక్స్ సబ్జెక్ట్‌లలో బేసిక్స్‌పై పూర్తిస్థాయి అవగాహన పెంపొందించుకోవాలి. జేఈఈ ప్రిపరేషన్‌తో అనుసంధానం చేసుకుంటూ చదవడం వల్ల ఒకే సమయంలో రెండు పరీక్షలకు ప్రిపరేషన్ సాగించొచ్చు.
పార్ట్-3.. ప్రత్యేకం :
ఇంజనీరింగ్ ఎంట్రెన్స్ టెస్ట్‌లతో బేరీజు వేస్తే.. బిట్‌శాట్ ప్రత్యేకం పార్ట్-3 అని చెప్పొచ్చు. ఈ విభాగంలో ఇంగ్లిష్ ప్రొఫిషియన్సీ, లాజికల్ రీజనింగ్ అంశాల నుంచి కూడా ప్రశ్నలు ఉంటాయి. కేవలం అభ్యర్థుల్లోని సబ్జెక్ట్ నైపుణ్యాలను పరీక్షించడమే కాకుండా.. లాంగ్వేజ్, తులనాత్మక పరిశీలన సామర్థ్యాన్ని పరీక్షించే లా ఈ విభాగాన్ని పొందుపర్చారు. పదో తరగతి స్థాయిలో ఇంగ్లిష్ గ్రామర్, వొకాబ్యులరీపై పట్టుంటే 25 ప్రశ్నలకు సులువుగా సమాధానం ఇవ్వొచ్చు.
మరికొన్ని చిట్కాలు..