బిర్లా ఇన్‌స్టిట్యూట్‌ ఆఫ్‌ టెక్నాలజీ అండ్‌ సైన్స్(బిట్స్‌)కు ప్రస్తుతం అయిదు క్యాంపస్‌లు ఉన్నాయి. అవి.. పిలానీ, గోవా, హైదరాబాద్, ముంబై, దుబాయ్‌. వీటిలో పిలానీ, గోవా, హైదరాబాద్ క్యాంపస్‌లలో ఇంటిగ్రేటెడ్‌ ఫస్ట్‌ డిగ్రీ కోర్సులుగా పేర్కొనే బ్యాచిలర్‌ ఆఫ్‌ ఇంజనీరింగ్ కోర్సుల్లోకి ప్రవేశానికి బిట్‌శాట్‌ను నిర్వహిస్తారు.
క్యాంపస్‌లు.. బ్రాంచ్‌లు
- బిట్స్‌ పిలానీ క్యాంపస్‌లో.. కెమికల్, సివిల్, కంప్యూటర్‌ సైన్స్, ఎలక్ట్రికల్‌ అండ్‌ ఎలక్ట్రానిక్స్, ఎలక్ట్రానిక్స్ అండ్‌ ఇన్‌స్ట్రుమెంటేషన్, ఎలక్ట్రానిక్స్ అండ్‌ కమ్యూనికేషన్, మెకానికల్, మాన్యుఫ్యాక్చరింగ్, మ్యాథమెటిక్స్ అండ్‌ కంప్యూటింగ్ బ్రాంచ్‌లు ఉన్నాయి. వీటితోపాటు బీఫార్మసీ, ఎమ్మెస్సీ(బయలాజికల్‌ సైన్సెస్, కెమిస్ట్రీ, ఎకనామిక్స్, మ్యాథమెటిక్స్, ఫిజిక్స్), ఎమ్మెస్సీ జనరల్‌ స్టడీస్‌ కోర్సుల్లోనూ ప్రవేశం పొందొచ్చు.
- గోవా క్యాంపస్‌లో.. కెమికల్, ఈసీఈ, ఈఈఈ, ఎలక్ట్రానిక్స్ అండ్‌ ఇన్‌స్ట్రు మెంటేషన్, మెకానికల్, మ్యాథమెటిక్స్ అండ్‌ కంప్యూటింగ్, ఎలక్ట్రానిక్స్ అండ్‌ కంప్యూటింగ్ బ్రాంచ్‌లు ఉన్నాయి.
- హైదరాబాద్ క్యాంపస్‌లో.. కెమికల్, సివిల్, కంప్యూటర్‌ సైన్స్, ఎలక్ట్రానిక్స్ అండ్‌ కమ్యూనికేషన్, ఎలక్ట్రికల్‌ అండ్‌ ఎలక్ట్రానిక్స్, ఎలక్ట్రానిక్స్ అండ్‌ ఇన్‌స్ట్రుమెంటేషన్, మెకానికల్, మ్యాథమెటిక్స్ అండ్‌ కంప్యూటింగ్ బ్రాంచ్‌లు ఉన్నాయి. వీటితోపాటు బీ–ఫార్మసీ, ఇంటిగ్రేటెడ్‌ ఎంఎస్సీ కోర్సుల్లో కూడా చేరొచ్చు.
- ఇంటిగ్రేటెడ్‌ ఎమ్మెస్సీ కోర్సుల్లో చేరిన వారు మొదటి సంవత్సరం పూర్తయ్యాక.. తాము ఏ విభాగంలో ఇంటిగ్రేటెడ్‌ కోర్సులో చేయాలనుకుంటున్నారో తెలియజేయాల్సి ఉంటుంది. ఈ కోర్సు వ్యవధి అయిదున్నరేళ్లు.
అర్హతలు
- 10+2/ఇంటర్మీడియెట్ ఎంపీసీ/బైపీసీలో 75 శాతం ఉత్తీర్ణత ఉండాలి. దీంతోపాటు మొత్తం గ్రూప్‌ సబ్జెక్ట్‌లలో(ఫిజిక్స్, కెమిస్ట్రీ, మ్యాథమెటిక్స్/బయాలజీ)లలో ఒక్కో సబ్జెక్ట్‌లో తప్పనిసరిగా 60 శాతం మార్కులు సాధించాలి.
- 10+2/ఇంటర్మీడియెట్ 2024లో ఉత్తీర్ణత సాధించిన విద్యార్థులు, 2025లో ద్వితీయ సంవత్సరం పరీక్షలకు హాజరయ్యే విద్యార్థులు బిట్‌శాట్‌కు దరఖాస్తు చేసుకోవచ్చు.
మొత్తం 130 ప్రశ్నలు
- బిట్‌శాట్‌ పరీక్ష పూర్తిగా ఆన్‌లైన్‌ విధానంలో జరుగుతోంది. పార్ట్‌ 1లో ఫిజిక్స్‌పై 30 ప్రశ్నలు, పార్ట్‌–2లో కెమిస్ట్రీపై 30 ప్రశ్నలు, పార్ట్‌–3లో ఎ) ఇంగ్లిష్‌ ప్రొఫిషియన్సీపై 10 ప్రశ్నలు, బి) లాజికల్‌ రీజనింగ్‌పై 20; అదేవిధంగా పార్ట్‌ 4లో మ్యాథమెటిక్స్/బయాలజీ నుంచి 40 ప్రశ్నలు అడుగుతారు. పార్ట్‌–4కు సంబంధించి బీఫార్మసీలో చేరాలనుకునే విద్యార్థులు బయాలజీ సబ్జెక్టును ఎంచుకోవాలి. బీఈ కోర్సుల అభ్యర్థులు మాత్రం తప్పనిసరిగా మ్యాథమెటిక్స్ సబ్జెక్టుతోనే పరీక్ష రాయాల్సి ఉంటుంది. ఒక్కో ప్రశ్నకు మూడు మార్కులు చొప్పున మొత్తం 130 ప్రశ్నలతో 390 మార్కులకు పరీక్ష జరుగుతుంది. నెగెటివ్‌ మార్కింగ్‌ నిబంధన ఉంది. ప్రతి తప్పు సమాధానానికి ఒక మార్కును తగ్గిస్తారు. పరీక్ష వ్యవధి మూడు గంటలు.
- పరీక్షకు కేటాయించిన మూడు గంటల వ్యవధిలో అన్ని ప్రశ్నలను పూర్తిచేసిన అభ్యర్థులకు.. అదనంగా మరో 12 ప్రశ్నలకు సమాధానం ఇచ్చే అవకాశం కల్పిస్తారు. ఫిజిక్స్, కెమిస్ట్రీ, మ్యాథమెటిక్స్ లేదా బయాలజీ, లాజికల్‌ రీజనింగ్‌ నుంచి మూడు ప్రశ్నలు చొప్పున ఇస్తారు.
చదవండి: Btech EEE Branch Advantages : ఇంజ‌నీరింగ్‌లో 'EEE' బ్రాంచ్ తీసుకోవ‌డం ద్వారా.. లాభాలు ఇవే..!
రెండు సెషన్లు
బిట్‌శాట్‌ను రెండు సెషన్లలో నిర్వహిస్తారు. అభ్యర్థులు రెండు సెషన్లకు లేదా ఏదో ఒక సెషన్‌కు దరఖాస్తు చేసుకోవచ్చు. రెండు సెషన్లకు హాజరైతే.. బెస్ట్‌ స్కోర్‌ సాధించిన సెషన్‌నే మెరిట్‌ జాబితా రూపకల్పనలో పరిగణనలోకి తీసుకుంటారు.సీట్ల కేటా యింపులో అభ్యర్థులు దరఖాస్తు సమయంలో పేర్కొన్న క్యాంపస్ ప్రాథమ్యాలను, ఇంజనీరింగ్ బ్రాంచ్ ప్రాథమ్యాల ఆధారంగా సీట్ల కేటాయింపు చేస్తారు.
బోర్డ్‌ టాపర్స్‌కు నేరుగా ప్రవేశం
రాష్ట్రాల స్థాయిలోని ఇంటర్మీడియెట్, తత్సమాన బోర్డ్‌ పరీక్షల్లో ఫస్ట్‌ ర్యాంకు పొందిన వారికి వారు మెచ్చిన బ్రాంచ్‌లో నేరుగా ప్రవేశం కల్పిస్తారు. అంటే.. బోర్డ్‌ స్థాయిలో ఇంటర్‌లో టాపర్‌గా నిలిచిన వారికి బిట్‌శాట్‌ నుంచి మినహాయింపు లభిస్తుంది. ఈ బోర్డ్‌ టాపర్స్‌ నేరుగా ఇంటిగ్రేటెడ్‌ ఫస్ట్‌ డిగ్రీ కోర్సుల్లో ప్రవేశం పొందే వీలుంది.
బోధనలో ప్రత్యేకత
బిట్స్‌ క్యాంపస్‌లలో ఆయా కోర్సులకు సంబంధించి ప్రత్యేక కరిక్యులంను రూపొందించారు. విద్యార్థుల్లో ప్రాక్టికల్‌ అప్రోచ్‌ పెరిగే విధంగా బోధన కొనసాగిస్తారు. బీఈ కోర్సుల్లో చేరిన విద్యార్థులు కోర్సు వ్యవధిలో రెండుసార్లు ప్రాక్టీస్‌ స్కూల్‌–1, ప్రాక్టీస్‌ స్కూల్‌–2 పేరుతో.. పరిశ్రమల్లో రీసెర్చ్‌ కార్యకలాపాల్లో పాల్గొనాల్సి ఉంటుంది. అదే విధంగా కోర్‌ సబ్జెక్ట్‌లతోపాటు..ఇతర అంశాల్లోనూ అవగాహన కల్పించే విధంగా మైనర్‌ ప్రోగ్రామ్స్‌ విధానాన్ని బిట్స్‌ అమలు చేస్తోంది. ఫైనాన్స్, అకౌంటింగ్, లిటరేచర్, హ్యుమానిటీస్‌ వంటి పలు సబ్జెక్ట్‌లు అందుబాటులో ఉన్నాయి. వీటిని పూర్తిచేసిన అభ్యర్థులకు సర్టిఫికెట్‌ సైతం అందిస్తారు.
చదవండి: AI & Chat GPT: ఫ్యూచర్‌ కెరీర్‌.. ప్రాంప్ట్‌ ఇంజనీర్‌!
 Join our WhatsApp Channel: Click Here Join our Telegram Channel: Click Here |
 Follow our YouTube Channel: Click Here Follow our Instagram Page: Click Here |
మరెన్నో ఇన్‌స్టిట్యూట్స్‌కు
బిట్‌శాట్‌ స్కోర్‌ ద్వారా మరెన్నో ఇన్‌స్టిట్యూట్‌లలో బీటెక్ ప్రోగ్రామ్‌లలో ప్రవేశం పొందే వీలుంది. పలు ప్రైవేటు యూనివర్సిటీలు, ఇన్‌స్టిట్యూట్‌లు కూడా బీటెక్‌లో ప్రవేశం కల్పిస్తున్నాయి. దాదాపు వంద వరకు ప్రైవేటు ఇన్‌స్టిట్యూట్‌లు తమ ప్రవేశ ప్రక్రియకు బిట్‌శాట్‌ స్కోర్‌ను పరిగణనలోకి తీసుకుంటున్నాయి.
బిట్‌శాట్‌–2025 ముఖ్య సమాచారం
- దరఖాస్తు విధానం: ఆన్‌లైన్‌లో దరఖాస్తు చేసుకోవాలి.
- ఆన్‌లైన్‌ దరఖాస్తు చివరి తేదీ: 2025, ఏప్రిల్‌ 18
- దరఖాస్తు సవరణకు అవకాశం: ఏప్రిల్‌ 29 నుంచి మే 1 వరకు
- సెషన్‌–1 హాల్‌టికెట్‌ డౌన్‌లోడ్‌: మే 23 నుంచి
- సెషన్‌–1 ఆన్‌లైన్‌ టెస్ట్‌ తేదీలు: మే 26 నుంచి మే 30 వరకు
- బిట్‌శాట్‌ సెషన్‌–2 దరఖాస్తు తేదీలు: మే 26 నుంచి జూన్‌ 10 వరకు
- సెషన్‌–2 దరఖాస్తు సవరణ అవకాశం: జూన్‌ 13, 14 తేదీల్లో
- సెషన్‌–2 హాల్‌టికెట్‌ డౌన్‌లోడ్‌: జూన్‌ 20 నుంచి
- సెషన్‌–2 ఆన్‌లైన్‌ టెస్ట్‌ తేదీలు: జూన్‌ 22 నుంచి జూన్‌ 26 వరకు
- అడ్మిషన్‌ జాబితా ప్రకటన: జూలై 9, 2025
- తెలుగు రాష్ట్రాల్లో పరీక్ష కేంద్రాలు: బిట్స్‌ పిలానీ–హైదరాబాద్ క్యాంపస్, హైదరాబాద్, రాజమండ్రి, తిరుపతి, విజయవాడ, విశాఖపట్నం.
- వివరాలకు వెబ్‌సైట్‌: https://www.bitsadmission.com
బెస్ట్‌ స్కోర్‌కు మార్గాలు కాన్సెప్ట్‌లే కీలకం
- బిట్‌శాట్‌లో మంచి స్కోర్‌ కోసం ఆయా కాన్సెప్ట్‌లపై పూర్తి అవగాహన పెంచుకోవాలి.జేఈఈ తరహాలోనే బిట్‌శాట్‌ క్లిష్టత స్థాయి ఉంటోంది. ప్రశ్నలన్నీ దాదాపుగా అప్లికేషన్‌ ఓరియెంటేషన్‌తో సమాధానం ఇవ్వాల్సిన విధంగా ఉంటున్నాయి. దీంతో అభ్యర్థులు ఫిజిక్స్, కెమిస్ట్రీ, మ్యాథమెటిక్స్ సబ్జెక్ట్‌లలో బేసిక్స్‌పై పట్టుపెంచుకోవాలి. జేఈఈ ప్రిపరేషన్‌తో అనుసంధానం చేసుకుంటూ చదవడం వల్ల ఒకే సమయంలో రెండు పరీక్షలకు ప్రిపరేషన్‌ సాగించొచ్చు.
సొంత నోట్స్‌
- ప్రతి సబ్జెక్ట్‌లోనూ ముఖ్యమైన ఫార్ములాలు, కాన్సెప్ట్‌లకు షార్ట్‌కట్‌ మెథడ్స్‌తో సొంత నోట్స్‌ రూపొందించుకోవాలి. ఇది రివిజన్‌ సమయంలో ఉపయుక్తంగా ఉంటుంది.
- మ్యాథమెటిక్స్‌లో.. హైపర్‌బోలా, పారాబోలా, రెక్టాంగులర్‌ పారాబోలా, ట్రిగ్నోమెట్రీ, వెక్టార్స్, 3–డి, ఇంటెగ్రిల్‌ కాలిక్యులస్‌ అంశాలకు ప్రాధాన్యం ఇవ్వాలి.
- ఫిజిక్స్‌లో.. వర్క్‌ అండ్‌ ఎనర్జీ, న్యూటన్స్‌ లా, కరెంట్ ఎలక్ట్రిసిటీ, హీట్‌ అండ్‌ థర్మోడైనమిక్స్, మ్యాగ్నటిజం అండ్‌ మ్యాగ్నటిక్‌ ఎఫెక్ట్‌ ఆఫ్‌ కరెంట్, ఎలక్ట్రిక్‌ కరెంట్ యూనిట్లలో ముఖ్య అంశాలతో నోట్స్‌ రూపొందించుకోవాలి. కెమిస్ట్రీలో ముఖ్యంగా ఆర్గానిక్‌ కెమిస్ట్రీలో కెమికల్ రియాక్షన్స్‌ను ఒక జాబితాగా రూపొందించుకోవాలి.
పార్ట్‌–3కి ప్రత్యేకంగా
బిట్‌శాట్‌లో మరో ప్రత్యేకం పార్ట్‌–3 అని చెప్పొచ్చు. ఈ విభాగంలో ఇంగ్లిష్‌ ప్రొఫిషియన్సీ, లాజికల్‌ రీజనింగ్‌ అంశాల నుంచి కూడా ప్రశ్నలు ఉంటాయి. కేవలం అభ్యర్థుల్లోని సబ్జెక్ట్‌ నైపుణ్యాలను పరీక్షించడమే కాకుండా.. లాంగ్వేజ్, తులనాత్మక పరిశీలన సామర్థ్యాన్ని పరీక్షించే విధంగా ఈ విభాగాన్ని పొందుపర్చారు. పదో తరగతి స్థాయిలో ఇంగ్లిష్‌ గ్రామర్, వొకాబ్యులరీపై పట్టుంటే 25 ప్రశ్నలకు సులువుగా సమాధానం ఇచ్చే సామర్థ్యం లభిస్తుంది.
Tags
- BITSAT Preparation Tips
- BITSAT 2025 Exam Day Guidelines
- BITSAT-2025
- BITSAT Guidance
- How to prepare for BITSAT
- BITSAT preparation books
- BITSAT exam pattern
- Bitsat guidance pdf free download
- Prepare a Study Plan BITSAT
- How to prepare well for BITSAT
- BITSATStudyTips
- BITSApplicationProcess
- BITSExamPattern
- BPharmacyAdmissions
More Articles
