Top 10 Richest Cities in India 2024 : భార‌త్‌లో టాప్‌-10 సంపన్న నగరాలు ఇవే... అలాగే వీటి ప్ర‌త్యేక‌త‌లు ఇవే.. తెలుగు రాష్ట్రాల‌ నుంచి...

ఈ నేప‌థ్యంలో ఈ న‌గ‌రాల‌కు ఉన్న ప్రత్యేకత ఏమిటి..?  ఆర్థిక వ్యవస్థలో ఈ న‌గ‌రాలు ఎలా కీలక పాత్ర పోషిస్తున్నాయి...? 
మొద‌లైన ఆస‌క్తిక‌ర‌మైన విశేషాలు మీకోసం... 

టాప్‌-1 ముంబై (మహారాష్ట్ర) : 
భారతదేశంలోని టాప్ 10 సంపన్న నగరాల్లో ముంబై మొదటి స్థానంలో ఉంది. మ‌న‌ దేశ ఆర్థిక రాజధాని అని కూడా మ‌నం పిలుస్తాము. ఈ న‌గ‌రం నేషనల్ స్టాక్ ఎక్స్చేంజ్ లకు నిలయంగా ఉంది. ఈ నగరం 310 బిలియన్ డాలర్లతో దేశంలోని అత్యధిక జీడీపీని కలిగి ఉంది. దేశ ఆర్థిక వ్యవస్థలో కీలక భూమిక పోషిస్తుంది.

టాప్‌-2 ఢిల్లీ : 

భారతదేశంలోని సంపన్న నగరాల్లో దేశ రాజధాని ఢిల్లీ రెండో స్థానంలో ఉంది. ఈ నగర జీడీపీ 293.6 బిలియన్ డాలర్లుగా ఉంది. ఈ నగరంలో జనాభా దాదాపు 19.8 మిలియన్లు ఉంటారు. రిటైల్, ఐటీ, టూరిజం, ఇంటర్నేషనల్ వాణిజ్యం ఇక్కడ కీలకంగా ఉన్నాయి.

టాప్‌-3 కోల్‌క‌తా (పశ్చిమ బెంగాల్) :

భారతదేశంలోని టాప్‌-10 న‌గ‌రాల్లో టాప్‌-3 స్థానంలో అత్యంత సంపన్న నగరంగా కోల్‌క‌తా ఉంది. ఈ నగర జీడీపీ 150 బిలియన్ డాలర్లుగా ఉంది. ఇది భారతదేశ సంస్కృతిక రాజధానిగా ప్రసిద్ధి చెందింది. కోల్ కతాలో సుమారు 14.8 మిలియన్ల మంది నివసిస్తున్నారు. ఈ నగరం పాత కొత్త అంశాలను మేళవించి ఉంటుంది.

టాప్‌-4 బెంగళూరు (కర్ణాటక) :
భారతదేశంలోని సంపన్న నగరాల్లో బెంగళూరు నగరం నాలుగో స్థానంలో నిలిచింది. సుమారు 12.7 మిలియన్ల మంది ప్రజలు నివసిస్తున్నారు. ఈ నగరం 110 బిలియన్ డాలర్ల జీడీపీని కలిగి ఉంది. ఇక్కడ ప్రధానంగా ఐటీ ఇండస్ట్రీ విస్తరించింది. ఇక్కడ రియల్ ఎస్టేట్ రంగం కూడా కీలకంగా ఉంది.

టాప్‌-5 చెన్నై (తమిళనాడు) :
తమిళనాడు రాజధాని చెన్నై భారతదేశంలోని సంపన్న నగరాల్లో ఐదో స్థానంలో నిలిచింది. ఈ నగరం 66 బిలియన్ డాలర్ల జీడీపీని కలిగి ఉంది. ఇది దేశ జీడీపీలో 1.12%గా ఉంది. దేశంలోని ఓ ముఖ్యమైన ఆర్థిక కేంద్రంగా, ఆటో మోటివ్, ఐటీ, హెల్త్ కేర్ ఇండస్ట్రీస్ లో అభివృద్ధి చెందుతుంది. ఇక్క‌డ వీటి ద్వారా విస్తారంగా ఉద్యోగ అవకాశాలు వ‌స్తున్నాయి.

టాప్‌-6 హైదరాబాద్ (తెలంగాణ) :

భారతదేశంలోని సంపన్న నగరాల్లో తెలంగాణ రాజధాని హైదరాబాద్ ఆరో స్థానంలో నిలిచింది. 58 బిలియన్ డాలర్ల జీడీపీని కలిగి ఉంది. ఈ మ‌హా నగరం సమాచార సాంకేతికత, ఫార్మాస్యూటికల్స్, బయోటెక్నాలజీ పరిశ్రమలకు ముఖ్యమైన కేంద్రంగా ఉంది. ఇక్కడ విభిన్న ఉద్యోగ అవకాశాలు అందుతుంటాయి. ఈ నగరంలో 10 మిలియన్ల పైగా జనాభా ఉన్నట్లు అంచనా.

టాప్‌-7 పూణె (మహారాష్ట్ర) :
భారతదేశంలోని అత్యంత సంపన్న నగరాల్లో మహారాష్ట్ర నుంచి రెండో నగరం పూణె ఏడో స్థానంలో నిలిచింది. ఆక్స్ ఫర్డ్ ఆఫ్ ది ఈస్ట్ అని పిలవబడే ఈ నగరం ఎడ్యుకేషన్, ఆటోమోటివ్, ఐటీ పరిశ్రమల పవర్ హౌస్ గా ఉంది. ఈ నగరంలో 8.5 మిలియన్ల జనాభా ఉండగా.. దీని జీడీపీ 55 బిలియన్ డాలర్లుగా ఉంది.

టాప్‌-8 అహ్మదాబాద్ (గుజరాత్) :

గుజ‌రాత్ రాష్ట్రంలోని అహ్మదాబాద్ నగరం 47 బిలియన్ డాలర్ల జీడీపీతో భారతదేశంలోని అత్యంత సంపన్న నగరాల్లో ఎనిమిదో స్థానంలో ఉంది. ఇది టెక్స్ టైల్స్, కెమికల్, ఫార్మాస్యూటికల్ పరిశ్రమల కేంద్రంగా ఉంది. ఈ నగరంలో జనాభా 7.2 మిలియన్లు ఉన్నట్లు అంచనా.

టాప్‌-9 సూరత్ (గుజరాత్) :
భారతదేశంలోని అత్యంత సంపన్న నగరాల్లో గుజరాత్‌లోని మరో నగరం సూరత్ తొమ్మిదవ స్థానంలో నిలిచింది. డైమండ్ సిటీ ఆఫ్ ఇండియాగా పిలవబడే ఈ నగరంలో డైమండ్ కటింగ్, పాలిషింగ్ ఇండస్ట్రీ ప్రసిద్ధి చెందింది. 6.7 మిలియన్ల జనాభా ఉన్నట్లు చెబుతున్న ఈ నగరం జీడీపీ 45 బిలియన్ డాలర్లు.

టాప్‌-10 విశాఖపట్నం (ఆంధ్రప్రదేశ్) :

ఆంధ్రప్రదేశ్‌కు చెందిన‌ విశాఖపట్నం (వైజాగ్) పదో స్థానంలో నిలిచింది. ఉక్కు, పెట్రోలియం, ఐటీ రంగాలకు ప్రసిద్ధి చెందిన విసాఖ జీడీపీ 40 బిలియన్ డాలర్లుగా ఉంది. దీనిని ఆంధ్రప్రదేశ్ ఆర్థిక రాజధానిగా దీనిని పిలుస్తారు.