NMMS Exam Notification : విద్యార్థుల ఉన్న‌త చదువుకు ఎన్ఎంఎంఎస్ పరీక్ష నోటిఫికేష‌న్ విడుదల.. ఈ త‌ర‌గ‌తుల‌కే..!
తొమ్మిదో తరగతి నుంచి ఇంటర్మీడియట్‌ వరకు చదివే పేద విద్యార్థులను ప్రోత్సహించేందుకు ఏటా స్కాలర్‌షిప్‌ను అందిస్తోంది. ఏపీ డైరెక్టరేట్‌ ఆఫ్‌ గవర్నమెంట్‌ ఎగ్జామినేషన్స్‌ విభాగం ఈ నోటిఫికేషన్‌ను విడుదల చేసింది.
» స్కాలర్‌షిప్‌ వివరాలు: ఈ స్కాలర్‌షిప్‌కు ఎంపికైన విద్యార్థులకు నెలకు రూ.1000 చొప్పున ఏడాదికి మొత్తం రూ.12,000 అందజేస్తారు. ఇది తొమ్మిదో తరగతి నుంచి ఇంటర్మీడియట్‌ పూర్తిచేసే వరకు స్కాలర్‌షిప్‌ లభిస్తుంది.
అర్హత
» ఏడో తరగతిలో 55 శాతం మార్కులు పొందిన విద్యార్థులు పరీక్ష రాయడానికి అర్హులు. తుది ఎంపిక సమయం నాటికి ఎనిమిదో తరగతిలో 55 శాతం మార్కులు పొంది ఉండాలి.
» ప్రభుత్వ, జిల్లా పరిషత్, మున్సిపల్, ఎయిడెడ్, మండల పరిషత్ ప్రాథమికోన్నత పాఠశాలల్లో రెగ్యులర్‌ విధానంలో ఎనిమిదో తరగతి చదువుతూ ఉండాలి.
» విద్యార్థి కుటుంబ వార్షికాదాయం రూ.3,50,000 మించకూడదు.
» ఎంపిక విధానం: రాతపరీక్ష ద్వారా విద్యార్థులను స్కాలర్‌షిప్‌కు ఎంపికచేస్తారు.
» రాతపరీక్ష: ఈ స్కాలర్‌షిప్స్‌కు అర్హులైన అభ్యర్థులను ఎంపిక చేసేందుకు రాష్ట్ర స్థాయిలో రెండు పేపర్ల రాతపరీక్షలు నిర్వహిస్తారు.
» పరీక్ష విధానం
మెంటల్‌ ఎబిలిటీ టెస్ట్‌ (మ్యాట్‌): మొత్తం 90 మార్కులకు మల్టిపుల్‌ ఛాయిస్‌ విధానంలో 90 ప్రశ్నలు ఉంటాయి. ప్రతి ప్రశ్నకు ఒక మార్కు ఉంటుంది. నెగిటివ్‌ మార్కింగ్‌ లేదు.
స్కాలస్టిక్‌ ఆప్టిట్యూడ్‌ టెస్ట్‌(శాట్‌): మొత్తం 90 మార్కులకు మల్టిపుల్‌ ఛాయిస్‌ విధానంలో 90 ప్రశ్నలు ఉంటాయి. 7, 8 తరగతుల స్థాయిలో సోషల్, సైన్స్, మ్యాథ్స్‌ ప్రశ్నలు వస్తాయి. ప్రతి ప్రశ్నకు ఒక మార్కు ఉంటుంది. నెగిటివ్‌ మార్కింగ్‌ లేదు.
» దరఖాస్తు విధానం: రాష్ట్ర ప్రభుత్వ సెకండరీ ఎడ్యుకేషన్‌ బోర్డు వెబ్‌సైట్‌ ద్వారా ఆన్‌లైన్‌లో విద్యార్థుల దరఖాస్తులను ఆయా స్కూళ్లు సమర్పించాలి. తర్వాత ఆ దరఖాస్తుల ప్రింటవుట్లను, ధ్రువీకరణ పత్రాలను డీఈవోలకు పంపాలి.
ముఖ్య సమాచారం
» దరఖాస్తు విధానం: ఆన్‌లైన్‌ ద్వారా దరఖాస్తు చేసుకోవాలి.
» ఆన్‌లైన్‌ దరఖాస్తు ప్రారంభతేది: 05.08.2024.
» ఆన్‌లైన్‌ దరఖాస్తులకు చివరితేది: 06.09.2024
» ప్రధానోపాధ్యాయుల ద్వారా దరఖాస్తు చేసేందుకు చివరితేది: 06.09.2024.
» పరీక్ష ఫీజు చెల్లింపునకు చివరితేది: 10.09.2024.
» దరఖాస్తు ఫారాలు, ధ్రువపత్రాలను డీఈవో కార్యాలయంలో అందజేసేందుకు చివరితేది: 10.09.2024.
» డీఈవో లాగిన్‌లో దరఖాస్తు ఆమోదం పొందేందుకు చివరితేది: 15.09.2024.
» వెబ్‌సైట్‌: https://www.bse.ap.gov.in