విద్యార్థులు, టీచర్లకు ఇన్నోవేషన్ శిక్షణ

విద్యార్థులు తమ మేధాశక్తి, సామర్థ్యాలను సందర్భోచితంగా వినియోగించుకునే విధానాలు రూపొందించాలని సూచించారు. రాష్ట్రంలోని ప్రభుత్వ పాఠశాలల్లోని 6 నుంచి 10వ తరగతి విద్యార్థులకు పాఠశాల విద్యాశాఖ, తెలంగాణ స్టేట్ ఇన్నోవేషన్, యునిసెఫ్ ఇంక్విలాబ్ ఫౌండేషన్ సంయుక్తంగా నిర్వహిస్తున్న ‘ఇన్నోవేషన్ చాలెంజ్’కార్యక్రమం వాల్‌పోస్టర్‌ను ఆగస్టు 28న మంత్రి తన కార్యాలయంలో విడుదల చేశారు. చిన్నతనం నుంచే విద్యార్థులను ఆవిష్కరణల వైపు ప్రోత్సహించేందుకు ఈ కార్యక్రమం తోడ్పడుతుందన్నారు. ఈ కార్యక్రమంలో భాగంగా రాష్ట్రంలోని అన్ని ప్రభుత్వ పాఠశాలల ఉపాధ్యాయులకు, విద్యార్థులకు ప్రత్యేక శిక్షణ ఇవ్వనున్నట్లు వెల్లడించారు. ఈ శిక్షణ సెప్టెంబర్ నుంచి డిసెంబర్ వరకు కొనసాగుతుందని తెలిపారు. టీచర్లు తమ పాఠశాల విద్యార్థులందర్నీ ఈ కార్యక్రమంలో భాగస్వాములను చేయాలన్నారు. కార్యక్రమంలో విద్యాశాఖ ప్రత్యేక ప్రధాన కార్యదర్శి చిత్రా రామచంద్రన్, పాఠశాల విద్యా శాఖ డెరైక్టర్ దేవసేన పాల్గొన్నారు.