Sakshi Education
బడికి వెళ్లడం, పాఠాలు వినడం, ఆడుకోవడం నిత్యకృత్యమే.
అయితే విద్యా సంవత్సరం ఎలా గడిచిపోయినా చివరిలో మాత్రం పరీక్షలు రాయాల్సిందే. మిగతావారి సంగతి ఎలా ఉన్నా పదో తరగతి విద్యార్థుల భవితవ్యానికి ఈ పరీక్షలే పునాది. పరీక్షలు సమీపిస్తున్న నేపథ్యంలో ఎలా సిద్ధమవ్వాలనే దానికి సంబంధించి కొన్ని చిట్కాలు మీకోసం ప్రత్యేకంగా అందిస్తున్నాం.
అవి ఏమిటంటే...
అవి ఏమిటంటే...
- ప్రతిరోజూ తప్పనిసరిగా బడికి వెళ్లాలి. ఉపాధ్యాయుడు బోధించే అంశాలను శ్రద్ధగా ఆలకించాలి. ప్రతిరోజూ సాయంత్రం ఇంటికొచ్చాక అవి చదువుకోవాలి. వీలైతే చూడ కుండా రాయడానికి యత్నించాలి.
- ప్రతి పాఠాన్ని ఇష్టంతో నేర్చుకోవాలి. అంతకంటే ముఖ్యంగా రోజురోజుకూ చదువుపై శ్రద్ధ పెంచుకోవాలి.
- చక్కగా తప్పులు దొర్లకుండా అందంగా, వేగంగా రాయడాన్ని సాధన చేయాలి.
- ఉపాధ్యాయుడు పాఠం చెప్పే సమయంలో ఏదైనా సందేహం వస్తే తప్పనిసరిగా అడిగి తెలుసుకోవాలి. మొహమాటపడకూడదు. అలా ఉంటే నష్టపోతారు.
- ప్రతిరోజూ ఐదు గంటలకే నిద్ర లేవడం అలవాటు చేసుకోవాలి. గంటసేపు చదువుకోవాలి. కాసేపు వ్యాయామం చేయాలి. ఇక రాత్రి పది గంటలకల్లా ఎట్టిపరిస్థితుల్లో నిద్రపోవడం అలవాటు చేసుకోవాలి.
- ప్రతిరోజూ విధిగా రెండు పూటలా స్నానం చేయాలి. వారానికి రెండు లేదా మూడు పర్యాయాలు తలస్నానం చేయాలి.
- ప్రతిరోజూ పోషక విలువలు ఉండే ఆహారం తీసుకోవాలి. ప్రతిరోజూ ఒకే సమయానికి భోజనం చేయడం అలవాటు చేసుకోవాలి.
- చదువులోగాని ఇతర ఏ విషయాల్లోగాని ఇతర విద్యార్థులతో బహిరంగ పోటీకి దిగవద్దు. మంచి మార్కులతో ఉత్తీర్ణులవ్వాలనే లక్ష్యంతో ముందుకుసాగాలి.
- మనసును ప్రశాంతంగా, నిర్మలంగా ఉంచుకోవాలి.
- విద్యార్థులకు ఆత్మవిశ్వాసం అత్యంత ముఖ్యం. ధ్యానం చేసే అలవాటు ఉంటే చాలా మంచిది. ఇక ప్రత్యక్ష దేవతలైన అమ్మానాన్నల పాదాలకు నమస్కరించడం ఓ అలవాటుగా మార్చుకోండి. తర్వాత దేవుడికి దండం పెట్టండి . నిద్రకు ముందు ప్రార్థన చేయడం నిత్యకృత్యం కావాలి.
Published date : 05 Feb 2020 03:46PM
