Sakshi Education
సాక్షి, హైదరాబాద్: తెలంగాణ రాష్ట్రంలో ఒకటో తరగతి నుంచి 9వ తరగతి వరకు గల విద్యార్థులకు ఈ నెల 7 నుంచి జరగాల్సిన సమ్మేటివ్ అసెస్‌మెంట్-2 (వార్షిక పరీక్షలు) పరీక్షలను వాయిదా వేసినట్లు విద్యాశాఖ ఆర్జేడీలకు, డీఈవోలకు ఆదేశాలు జారీ చేసినట్లు తెలిసింది.
మళ్లీ పరీక్షలను ఎప్పుడు నిర్వహిస్తామన్న వివరాలను తరువాత తెలియజేస్తామని పేర్కొన్నట్లు సమాచారం. ఈ మేరకు శనివారం మౌఖిక ఆదేశాలు జారీ చేసినట్లు తెలిసింది. సీబీఎస్‌ఈ, ఇతర రాష్ట్రాల తరహాలో రాష్ట్రంలోనూ ఒకటో తరగతి నుంచి 9వ తరగతి వరకు వార్షిక పరీక్షలను నిర్వహించకుండానే విద్యార్థులను పాస్ చేసి పైతరగతులకు పంపించేందుకు విద్యాశాఖ కసరత్తు చేస్తోంది. దానిపై ఇంకా ప్రభుత్వం నుంచి స్పష్టమైన ఆదేశాలు రానందున ఈ నెల 7 నుంచి 16 వరకు నిర్వహించాల్సిన పరీక్షలను వాయిదా వేసినట్లు తెలిసింది.
Published date : 06 Apr 2020 03:37PM
