Sakshi Education
ఏయూ క్యాంపస్ (విశాఖతూర్పు): ఆంధ్రప్రదేశ్ రాష్ట్ర వ్యాప్తంగా ఇంజనీరింగ్, ఫార్మసీ పీజీ కోర్సుల్లో ప్రవేశాలకు నిర్వహించే ఏపీపీజీఈసెట్ దరఖాస్తు గడువును ఈ నెల 23 వరకు పొడిగించినట్లు సెట్ కన్వీనర్ ఆచార్య పేరి శ్రీనివాసరావు ఆదివారం ఒక ప్రకటనలో తెలిపారు.
రూ.2 వేల అపరాధ రుసుముతో 23వ తేదీ వరకు దరఖాస్తులు స్వీకరిస్తామన్నారు. పరీక్షలను 28 నుంచి 30వ తేదీ వరకు నిర్వహిస్తామని తెలిపారు. దరఖాస్తు చేసిన వారు హాల్‌టికెట్లను 23వ తేదీ నుంచి www.rche.ap.gov.in/pgecet వెబ్‌సైట్ నుంచి డౌన్‌లోడ్ చేసుకోవచ్చని పేర్కొన్నారు.
Published date : 21 Sep 2020 03:44PM
