నిరుద్యోగ యువతకు `సీపెట్‌` ఉచిత నైపుణ్య శిక్షణా కోర్సులు

జాతీయ షెడ్యూల్డ్‌ కులాల ఆర్థికాభివృద్ధి సంస్థ, జాతీయ వెనుకుబడిన తరగతుల ఆర్థికాభివృద్ధి సంస్థల సహకారంతో మెషిన్‌ ఆపరేటర్‌–ప్లాస్టిక్‌ ప్రాసెసింగ్, మెషిన్‌ ఆపరేటర్‌ అసిస్టెంట్‌ –ఇంజక్షన్‌ మౌల్డింగ్‌ కోర్సుల్లో 160 మంది నిరుద్యోగులకు ఉచిత శిక్షణ ఇవ్వనున్నట్లు సీపెట్‌ జాయింట్‌ డైరెక్టర్‌ సీహెచ్‌ శేఖర్‌ గురువారం ఒక ప్రకటనలో పేర్కొన్నారు. 8వ తరగతి పాస్‌ అయ్యి 45 ఏళ్లలోపు ఉన్న ఎస్‌సీ, ఓబీసీ, ఈబీసీ యువతీ యువకులు ఈ కోర్సులకు అర్హులు. ఆసక్తిగల వారు కృష్ణా జిల్లా గన్నవరం మండలం సూరంపల్లిలో ఉన్న సీపెట్‌ కార్యాలయంలో దరఖాస్తులు ఇవ్వాల్సి ఉంటుంది. ఎంపికైన వారికి 3 నుంచి 6 నెలల పాటు శిక్షణ ఉంటుందని తెలిపారు. మరిన్ని వివరాలకు 9398050255, 6300147965 నంబర్లను సంప్రదించాలని కోరారు.