నాడు - నేడు తొలిదశలో ఇప్పటికే రూ.2,280.10 కోట్ల వ్యయం

రాష్ట్ర ప్రభుత్వం మన బడి నాడు - నేడు పథకం కింద శిథిలావస్థలో ఉన్న సర్కారు బడులు, ప్రాంగణాలను కార్పొరేట్ పాఠశాలలకు దీటుగా తీర్చిదిద్దుతున్న సంగతి తెలిసిందే. తొలిదశ పనులు శరవేగంగా సాగుతున్నాయి. సీఎం వైఎస్ జగన్‌మోహన్‌రెడ్డి ఎప్పటికప్పుడు పనులు సమీక్షిస్తూ తగిన సూచనలు, ఆదేశాలు జారీ చేస్తున్నారు. కోవిడ్-19 నేపథ్యంలో కూడా పనులు కొనసాగేలా చర్యలు తీసుకున్నారు. 2019 నవంబర్ 14న తొలిదశ కింద 15,715 స్కూళ్లలో నాడు-నేడు పనులకు శ్రీకారం చుట్టారు. ఇప్పటివరకు రూ.2,280.10 కోట్లతో పనులు చేపట్టారు. ఇప్పటికే రూ.684.31 కోట్ల వ్యయంతో 29,023 పనులు పూర్తి అయ్యాయి. మరో రూ.1,595.79 కోట్ల వ్యయంతో 45,161 పనులు పురోగతిలో ఉన్నాయి. తొలి దశ పనులకు రూ.3,948.93 కోట్ల వ్యయం అవుతుందని అంచనా వేశారు. అయితే ఎక్కడా రాజీలేకుండా పనులు చేస్తుండటంతో ఈ అంచనాలు మరింత పెరిగే అవకాశం ఉందని అధికార వర్గాలు పేర్కొంటున్నాయి.

సూక్ష్మ స్థాయి ఆలోచనతో సర్కారు బడికి మహర్దశ
పాదయాత్రలో భాగంగా ప్రభుత్వ స్కూళ్ల స్థితిగతులు, విద్యార్థులు పడుతున్న కష్టాలు చూసిన ముఖ్యమంత్రి వైఎస్ జగన్ సూక్ష్మ స్థాయిలో ఆలోచన చేసి మన బడి నాడు-నేడు కింద చేయాల్సిన పనులను నిర్ధారించారు. ఈ నేపథ్యంలో ఏకంగా రూ.826.70 కోట్ల అంచనా వ్యయంతో నిరంతర నీటి సరఫరా సదుపాయంతో కూడిన మరుగుదొడ్ల నిర్మాణం చేపట్టారు. తొలి దశలో 14,293 మరుగుదొడ్ల పనులకు మంజూరు ఇచ్చారు. అలాగే రక్షిత మంచినీటి సరఫరాకు అత్యధిక ప్రాధాన్యత ఇచ్చారు. రూ.325.19 కోట్ల వ్యయంతో 14,474 రక్షిత మంచినీటి పనులను చేపట్టారు.

ఇప్పటికే పూర్తయిన పనులు, పురోగతిలో ఉన్న పనులు వ్యయం (రూ.కోట్లలో)