దేశవ్యాప్తంగా తెరుచుకోనున్న యూనివర్సిటీలు

అయితే రాష్ట్ర ప్రభుత్వం, స్థానిక అధికార యంత్రాంగం అనుమతి ఆధారంగానే నిర్ణయం తీసుకోవాలని సూచించారు. గతంలో ఆఫ్‌లైన్ తరగతుల ప్రారంభంకోసం జారీ చేసిన కోవిడ్-19 మార్గదర్శకాలను తప్పనిసరిగా అమలు చేయాలని సూచిస్తూ యూనివర్సిటీలు, కళాశాలలకు తిరిగి తెరుచుకొనేందుకు పూర్తి స్వాతంత్య్రం ఇచ్చారు. దేశవ్యాప్తంగా మూసివేసిన వర్సిటీలు, ఇతర ఉన్నత విద్యా సంస్థలను ప్రారంభించాలన్న విద్యార్థుల డిమాండ్లను దృష్టిలో ఉంచుకుని యుజిసి ఈ ప్రతిపాదన చేసింది. ప్రతిరోజూ మహారాష్ట్ర, కేరళ రాష్ట్రాల్లో కరోనాకు సంబంధించి వేలాది కేసులు నమోదవుతున్న నేపథ్యంలో ఆ రాష్ట్రాల్లో ఉన్నత విద్యాసంస్థలు తెరుచుకొనే విషయంలో యూజీసీ పూర్తి అప్రమత్తంగా ఉంది. అందులో భాగంగానే మళ్ళీ తెరిచేందుకు ఉన్నత విద్యాసంస్థలకే నిర్ణయాధికారం ఇచ్చారు.