కంబైన్డ్ గ్రాడ్యుయేట్ లెవల్ ఎగ్జామినేషన్- 2018

ప్రిపరేషన్ గైడెన్స్
క్వాంటిటేటివ్ ఆప్టిట్యూడ్ :
ఇందులో ప్యూర్ మ్యాథ్స్ నుంచే ఎక్కువ ప్రశ్నలు వస్తున్నాయి. ఆల్జీబ్రా, ట్రిగనోమెట్రీ, జామెట్రీ, మెన్సురేషన్ అధ్యయాల నుంచే ఎక్కువ ప్రశ్నలు అడుగుతున్నారు. అది కూడా బేసిక్ కాన్సెప్టులు ఉపయోగించి చేసే విధంగా ఉంటున్నాయి. గతంలో ఆల్జీబ్రా ఐడెంటిటీస్, ఇండిసెస్, సర్డ్స్ నుంచి టైర్-1, 2లలో కలిపి సుమారు 15 ప్రశ్నలు వరకు వచ్చాయి. ఫార్ములాలు గుర్తుంచుకుంటే ఈ చాప్టర్లల్లో వచ్చే ప్రశ్నలకు సులువుగానే సమాధానాలు గుర్తించవచ్చు. ట్రిగనోమెట్రీలో ముందుగా టేబులర్ వ్యాలూస్ నేర్చుకోవాలి. సైన్, కాస్, ట్యాన్, సెక్, కొసెక్, కాట్ వ్యాలూస్, వాటి మధ్య రిలేషన్‌‌స ఫార్ములాలు తెలుసుకుంటేనే ట్రిగనోమెట్రీలో సమస్యల పరిష్కారం సులువు అవుతుంది. ఇక జామెట్రీ నుంచి కూడా 15 ప్రశ్నల వస్తున్నాయి. ఇందులో ప్లేన్ జామెట్రీ, కోఆర్డినేట్ జామెట్రీ ఉంటాయి. ప్లేన్ జామెట్రీ నుంచే ఎక్కువ ప్రశ్నలు వస్తాయి. దీన్ని చిన్నచిన్న భాగాలుగా విభజించుకొని చదవాలి. అర్థమెటిక్‌లో రేషియో-ప్రపోర్షన్, ఇంట్రస్ట్, ప్రాఫిట్-లాస్, డిస్కౌంట్, పార్టనర్‌షిప్ బిజినెస్, మిక్చర్ అండ్ అలిగేషన్, టైం అండ్ వర్క్, టైం అండ్ డిస్టెన్స్‌, పర్సంటేజెస్, డేటా ఇంటర్‌ప్రెటేషన్ తదితర అంశాల నుంచి ప్రశ్నలు వస్తాయి. వీటిలో నంబర్ సిస్టం, పర్సంటేజెస్, రేషియో-ప్రపోర్షన్‌‌స ముఖ్యమైన అంశాలు. అభ్యర్థులు తొలుత బేసిక్స్‌పై దృష్టిసారించాలి. ఈజీ టు హార్డ్ క్రమంలో సమస్యల సాధనను అలవరచుకోవాలి. ఇక గతంలో వచ్చిన ప్రశ్నల తరహాలోనే (మోడల్) ప్రశ్నలు పునరావృతమవుతున్నాయి. కాబట్టి ప్రీవియస్ పేపర్లను తప్పనిసరిగా ప్రాక్టీస్ చేయాలి. డేటా ఇంటర్‌ప్రెటేషన్ ప్రశ్నలు తేలిగ్గానే ఉంటాయి. అర్థమెటిక్‌లో బేసిక్స్ నేర్చుకుంటే.. డేటా ఇంటర్‌ప్రిటేషన్ సన్నద్ధత తేలిగ్గానే పూర్తవుతుంది.

ఇంగ్లిష్ కాంప్రెహెన్షన్ :
ఇంగ్లిష్ కాంప్రెహెన్షన్ సెక్షన్ నుంచి టైర్1లో 50 మార్కులు, టైర్2లో 200 మార్కులకు ప్రశ్నలు ఉంటాయి. ఇందులో వచ్చే ప్రశ్నలను మూడు రకాలుగా విభజించొచ్చు. అవి.. గ్రామర్ ఆధారిత ప్రశ్నలు, వొకాబ్యులరీ ఆధారిత ప్రశ్నలు, రీడింగ్ కాంప్రెహెన్షన్. మొదట గ్రామర్ రూల్స్ తెలుసుకోవడం, వాటి అప్లికేషన్ ఆధారిత ప్రశ్నలను ప్రాక్టీస్ చేయాలి. ఎందుకంటే గ్రామర్ ఆధారిత కాన్సెప్టుల ప్రశ్నలు ఎక్కువగా పునరావృతమవుతున్నాయి. ప్రీవియస్ బిట్స్‌ను బాగా ప్రాక్టీస్ చేయాలి. రీడింగ్ కాంప్రెహెన్షన్‌లో వచ్చే ప్యాసేజీలను అన్నింటినీ అటెంప్ట్ చేయడానికి ప్రయత్నించాలి. ఇవి తేలిగ్గానే ఉంటాయి. కాబట్టి ఆందోళన అనవసరం. రచయిత కోణంలో ఎస్సేను అర్థం చేసుకునేందుకు ప్రయత్నించాలి. ఒకవేళ ప్రశ్నలు సమాచారం ఆధారిత డెరైక్ట్ ప్రశ్నలు కాకుండా.. ప్యాసెజ్‌లో అర్థం చేసుకొని సమాధానాలు ఇచ్చే విధంగా ఉంటాయి (ఉదా: ప్యాసేజ్‌కు నప్పే టైటిల్), వాటిని చివర్లో అటెంప్ట్ చేస్తే మంచిది. ఇంగ్లిష్ సెక్షన్‌పై పూర్తిస్థాయిలో పట్టు సాధించేందుకు రీడింగ్ స్కిల్స్ ప్రధానం. కాబట్టి ఇంగ్లిష్ న్యూస్‌పేపర్‌ను చదవడం అలవాటు చేసుకోవాలి.

జనరల్ ఇంటెలిజెన్స్‌ అండ్ రీజనింగ్ :
అత్యంత సులువైన సెక్షన్ ఇది. కొద్దిపాటి శ్రమతో టైర్-1లో 50 మార్కులు పొందవచ్చు. ఇందులో వెర్బల్, నాన్ వెర్బల్ టైప్ ప్రశ్నలు ఉంటాయి. అనాలజీస్, సిమిలారిటీస్ అండ్ డిఫరెన్సెస్; స్పేస్ విజువలైజేషన్, కోడింగ్-డీకోడింగ్, న్యూమరికల్ ఆపరేషన్స్‌, వెన్‌డయాగ్రమ్స్ తదితర అంశాల నుంచి ప్రశ్నలు వస్తాయి. బ్యాంక్ పరీక్షలకు సన్నద్ధమయ్యే వారు అలవోకగా చేయగలుగుతారు. ఇది స్కోరింగ్ ఎక్కువ చేయడానికి వీలు కల్పించే సెక్షన్. ఇంగ్లిష్ ఆల్ఫాబెట్ అక్షరాల సంఖ్యను(1-26) గుర్తుపెట్టుకోవడం ద్వారా కోడింగ్, డీకోడింగ్, సిరీస్ ప్రశ్నలకు తేలిగ్గా సమాధానాలు గుర్తించవచ్చు.

జనరల్ అవేర్‌నెస్ :
ఇందులో స్టాటిక్ బిట్స్ ఎక్కువగా అడుగుతున్నారు. ఇది సిలబస్ దృష్ట్యా అతిపెద్ద సెక్షన్. హిస్టరీ, జాగ్రఫీ, ఎకానమీ, పాలిటీ, జనరల్ సైన్స్‌, స్టాండర్డ్ జీకే, కరెంట్ అఫైర్స్ నుంచి ప్రశ్నలు వస్తాయి. అభ్యర్థి నిత్యం తన చుట్టూ జరిగే పరిణామాలను క్షుణ్నంగా తెలుసుకుంటే.. మంచి మార్కులు పొందే వీలున్న విభాగం ఇది. సహజంగా ఆసక్తి ఉన్న అంశాలతో ప్రిపరేషన్ ప్రారంభించాలి. మార్కెట్లో దొరికే అరిహంత్ పబ్లికేషన్స్‌ బుక్స్ చదివితే సరిపోతుంది. 50 మార్కులైనా విజయంలో కీలక పాత్ర ఈ సెక్షన్‌దే.

సూచనలు:

1. ప్రిపరేషన్లో భాగంగా వీలైనన్ని మాక్‌టెస్ట్‌లు రాయాలి. మాక్‌టెస్ట్‌లు రాయడం ఎంత ముఖ్యమో వాటిని విశ్లేషించుకోవడం కూడా అంతే ముఖ్యమని గుర్తించాలి.
2. ఎలాంటి ప్రశ్నలు వదిలేస్తున్నారు? ఎందుకు వదిలేస్తున్నారు? తదితర అంశాలను విశ్లేషించుకోవాలి. తేలికైన ప్రశ్నలకు విడిచిపెట్టకుండా చూసుకోవాలి. ప్రాక్టీస్‌తోనే ఇది సాధ్యపడుతుంది.
3. నెగిటివ్ మార్కులు ఉన్నాయి కాబట్టి వీలైనంత వరకు తప్పులు లేకుండా, తప్పులు పునరావృతం కాకుండా చూసుకోవాలి.

ముఖ్య తేదీలు..
దరఖాస్తుల స్వీకరణకు చివరి తేదీ: 2018, జూన్ 4 (సాయంత్రం 5 గంటల వరకు)
టైర్-1 పరీక్ష తేదీలు: 2018 జూలై 25 నుంచి ఆగస్టు 20 వరకు.
టైర్ - 2, టైర్- 3, టైర్- 4 తేదీలను తర్వాత నోటిఫై చేస్తారు.

ఫీజు: రూ.100 (మహిళలకు, ఎస్సీ, ఎస్టీ అభ్యర్థులకు ఫీజు నుంచి మినహాయింపునిచ్చారు)
మరిన్ని వివరాలు వెబ్‌సైట్‌లో చూడొచ్చు
వెబ్‌సైట్: www.ssc.nic.in