స్కూల్ అసిస్టెంట్ (గణితం) సిలబస్‌లోని త్రికోణమితి పాఠ్యాంశాన్ని ఏవిధంగా ప్రిపేర్ కావాలి?

స్కూల్ అసిస్టెంట్ (గణితం) సిలబస్‌లో త్రికోణమితి పాఠ్యాంశం ప్రధానమైంది. దీన్ని ఇంటర్ స్థాయి వరకూ ఇచ్చారు. గత ప్రశ్నపత్రాలను పరిశీలిస్తే త్రికోణమితి నిష్పత్తులు, సర్వసమీకరణాలు (పదో తరగతి స్థాయి) నుంచిప్రశ్నలు ఎక్కువగా ఇచ్చినట్లు గమనించవచ్చు. ఇంటర్ స్థాయిలోని ఆవర్తనం, త్రికోణమితీయ ప్రమేయాలు, ఎత్తులు - దూరాలు నుంచి ఒక్కో ప్రశ్న అడిగారు. కాబట్టి విద్యార్థులు పదో తరగతి స్థాయి వరకు ఉన్న మౌలికాంశాలు, సమస్యలను పక్కాగా ప్రిపేరైన తర్వాత మిగతా అంశాలపై దృష్టి సారిస్తే ప్రయోజనకరంగా ఉంటుంది.