UNSC: ఐక్యరాజ్యసమితి భద్రతా మండలిలో ఓటింగ్కు భారత్ దూరం
Sakshi Education
ఐక్యరాజ్య సమితి విధించిన ఆంక్షల చట్రం నుంచి మానవతా దృక్పథంతో చేసే సహాయాలను మినహాయించాలని భద్రతా మండలిలో ప్రవేశపెట్టిన తీర్మానంపై ఓటింగ్కు భారత్ దూరంగా ఉంది.
![](/sites/default/files/images/2023/02/23/united-nations-1677141032.jpg)
మానవతా దృక్పథంతో సాయం చేస్తే పాకిస్తాన్ వంటి దేశాల్లో ఉగ్రవాద సంస్థలు లాభపడతాయని పేర్కొంది. యూఎన్ అందించే ఆర్థిక సాయంతో ఆ ఉగ్ర సంస్థలు నిధుల సేకరణ, ఉగ్రవాదుల నియామకం చేస్తాయని భారత్ ఆందోళన వ్యక్తం చేసింది. అమెరికా, ఐర్లాండ్లు సంయుక్తంగా డిసెంబర్ 9న ఈ తీర్మానాన్ని ప్రవేశపెట్టాయి. 15 సభ్య దేశాలున్న భద్రతా మండలిలో 14 దేశాలు తీర్మానానికి అనుకూలంగా ఓటెయ్యగా భారత్ దూరంగా ఉంది. భ్రద్రతా మండలికి భారత్ అధ్యక్షత వహిస్తుండటం తెలిసిందే. మండలి అధ్యక్షురాలు, యూఎన్లో భారత్ శాశ్వత సభ్యురాలు రుచిరా కాంబోజ్ ఈ సందర్భంగా మాట్లాడుతూ, ‘‘మానవతా దృక్పథంతో చేసే సాయం నిధులు దుర్వినియోగమవడం, వాటితో ఉగ్ర సంస్థలు లబ్ధి పొందడం గతంలో చాలా చూశాం. పాకిస్తాన్లో కొన్ని ఉగ్ర సంస్థలు మానవతా సంస్థల ముసుగులో వాటిని సేకరించాయి’’ అన్నారు.
PSLV C54: పీఎస్ఎల్వీ సీ54 రాకెట్ ప్రయోగం విజయవంతం
Published date : 12 Dec 2022 03:10PM