ఉగ్రవాదంపై చర్యల్లో పాక్ విఫలం : ఎఫ్‌ఏటీఎఫ్

ఐక్యరాజ్యసమితి భద్రతామండలి తీర్మానాలన్నీ పాక్ తుంగలో తొక్కిందని ఎఫ్‌ఏటీఎఫ్ మండిపడింది. పాక్ తీసుకుంటున్న ఉగ్రవాద నిరోధక చర్యలు 40లో 31 ఎఫ్‌ఏటీఎఫ్ ప్రమాణాలకు అనుగుణంగా లేవని తేల్చింది.

అంతర్జాతీయంగా మనీలాండరింగ్ కార్యక్రమాలపై ఎప్పటికప్పుడు నివేదికలు అందించే ఎఫ్‌ఏటీఎఫ్ 2018 ఏడాదిలోనే పాకిస్తాన్‌ను గ్రే లిస్ట్‌లో ఉంచింది. ఈ ఏడాది గ్రే లిస్ట్ నుంచి పాక్‌ను బ్లాక్ లిస్ట్‌కు మార్చే అవకాశాలు కనిపిస్తున్నాయి. ఎఫ్‌ఏటీఎఫ్ ప్లీనరీ సమావేశాలు పారిస్‌లో 2019, అక్టోబర్ 13 నుంచి జరగనున్నాయి.