కరోనాపై అవగాహన‌కు ఆరోగ్య సేతు యాప్‌

కరోనాను దరి చేరకుండా అడ్డుకునేందుకు రూపొందించిన ‘ఆరోగ్య సేతు’ యాప్‌ను ఏప్రిల్ 2న ప్రారంభించింది. ఎలక్ట్రానిక్‌, ఇన్ఫర్మేషన్‌ టెక్నాలజీ మంత్రిత్వశాఖ పరిధిలోని ఈ యాప్ కోవిడ్‌-19 బారిన పడిన వారు మన దగ్గరికి సమీపిస్తే మనల్ని హెచ్చరిస్తుంది. ప్రస్తుతం ఆరోగ్య సేతు యాప్‌ 11 భాషల్లో అందుబాటులో ఉంది. ఈ యాప్‌ కేవలం కొత్త కేసులను గుర్తిస్తుందని, కరోనా సోకిన వ్యక్తికి దగ్గరగా ఉన్న వారికి అప్రమత్తత సందేశాలు పంపిస్తుందని అధికారులు వెల్ల‌డించారు.

• దేశంలో కరోనా కేసుల అప్‌డేట్‌ తెలుసుకోవచ్చు.
• కరోనా బారిన పడకుండా ఉండేందుకు సహాయపడుతుంది
• కరోనావైరస్ ఉన్న వ్యక్తికి దగ్గరగా వెళ్తే యాప్ మీ లొకేష‌న్ స్కాన్ చేసి.. మీ డేటాను ప్రభుత్వానికి చేర‌వేస్తుంది.
• కోవిడ్ -19 లక్షణాలు ఏమైనా ఉన్నాయా అని నిర్థారించ‌డానికి అనేక ప్రశ్నలను అడిగే ప్రత్యేకమైన చాట్‌బోట్ ఉంటుంది.
• కేంద్ర‌, రాష్ట్ర ఆరోగ్య మంత్రిత్వ శాఖ చేసే ప్రక‌ట‌న‌లు, తీసుకునే చ‌ర్య‌లను తెలియజేస్తుంది.