కేంద్ర మంత్రి రవిశంకర్ ఆవిష్కరించిన డాక్ పే యాప్ ఉద్దేశం?

డిసెంబర్ 15న న్యూఢిల్లీలో కేంద్ర న్యాయ, సమాచార, ఐటీ శాఖ మంత్రి రవిశంకర్ ప్రసాద్ డాక్ పే యాప్‌ను ఆవిష్కరించారు. ఈ యాప్ ద్వారా తపాలా శాఖ, ఐపీపీబీ అందించే సేవలను ఇంటి వద్దే నుంచే పొందవచ్చు. నగదు పంపడం, క్యూఆర్ కోడ్ స్కానింగ్, సేవలు, వ్యాపారులకు చేసే చెల్లింపులు వంటి సేవలను ఖాతాదారులు డిజిటల్‌గా పూర్తిచేయొచ్చు.

ఐపీపీబీ గురించి...

• ఐపీపీబీని ప్రధాని నరేంద్ర మోదీ న్యూఢిల్లీలో 2018, సెప్టెంబర్ 1న ప్రారంభించారు.
• ఐపీపీబీ ప్రధాన కార్యాలయం న్యూఢిల్లీలో ఉంది.
• బ్యాంకింగ్ సేవలను ప్రతి ఇంటికీ, ఆర్థిక సమ్మిళిత వృద్ధికి తోడ్పడటానికి తొలుత సుమారు 1.55 లక్షల తపాలా శాఖలు, 3 లక్షల మంది పోస్ట్‌మెన్, గ్రామీణ్ డాక్ సేవక్‌లతో ఐపీపీబీని ప్రారంభించారు.
• ఈ బ్యాంకు సేవలు ఇతర సాధారణ బ్యాంకుల మాదిరిగానే ఉన్నా కార్యకలాపాలు తక్కువ స్థాయిలో ఉంటాయి.