హైకోర్టు సీజేగా జస్టిస్ గోస్వామి ప్రమాణ స్వీకారం

జనవరి 6న విజయవాడ తుమ్మలపల్లి కళాక్షేత్రంలో జరిగిన ఈ ప్రమాణ స్వీకార కార్యక్రమంలో ఏపీ ప్రభుత్వ ప్రధాన కార్యదర్శి ఆదిత్యనాథ్ దాస్, లోకాయుక్త జస్టిస్ లక్ష్మణరెడ్డి, అడ్వొకేట్ జనరల్ సుబ్రమణ్యం శ్రీరాం, అదనపు అడ్వొకేట్ జనరల్ పొన్నవోలు సుధాకర్‌రెడ్డి, హైకోర్టు రిజిస్ట్రార్ జనరల్ బీఎస్ భానుమతి పాల్గొన్నారు.

జస్టిస్ గోస్వామి...

• 1961 మార్చి 11న అస్సాం రాష్ట్రం జోరాత్‌లో జన్మించిన జస్టిస్ గోస్వామి... 1985లో గౌహతి లా కాలేజీ నుంచి న్యాయశాస్త్రంలో పట్టా పొందారు.
• 1985 ఏడాది న్యాయవాదిగా ఎన్‌రోల్ అయ్యారు.
• 2011లో గౌహతి హైకోర్టు అదనపు న్యాయమూర్తిగా, 2012లో శాశ్వత న్యాయమూర్తిగా నియమితులయ్యారు.
• గౌహతి హైకోర్టు తాత్కాలిక ప్రధాన న్యాయమూర్తిగా కూడా బాధ్యతలు నిర్వర్తించారు.
• 2019లో పదోన్నతిపై సిక్కిం హైకోర్టు ప్రధాన న్యాయమూర్తిగా బదిలీ అయ్యారు. తాజాగా ఏపీ హైకోర్టు సీజేగా బాధ్యతలు చేపట్టారు.
• జస్టిస్ గోస్వామి మంచి క్రికెటర్ కూడా. ఆయన రంజీ ట్రోఫీలో అస్సాం రాష్ట్రానికి ప్రాతినిధ్యం వహించారు. సీనియర్ లెవల్ అండర్ 19, అండర్ 21లో ఈస్ట్‌జోన్‌కు ప్రాతినిధ్యం వహించారు.

క్విక్ రివ్యూ :
ఏమిటి : ఆంధ్రప్రదేశ్ హైకోర్టు ప్రధాన న్యాయమూర్తి (సీజే)గాపమాణ స్వీకారం
ఎప్పుడు : జనవరి 6
ఎవరు : జస్టిస్ అరూప్ కుమార్ గోస్వామి
ఎక్కడ : విజయవాడ తుమ్మలపల్లి కళాక్షేత్రం, కృష్ణా జిల్లా