ఏపీకి దక్షిణ కొరియా నుంచి ర్యాపిడ్‌ టెస్టు కిట్లు

ముఖ్యమంత్రి వైఎస్‌ జగన్‌మోహన్‌రెడ్డి ఏప్రిల్ 17న తన క్యాంపు కార్యాలయంలో ఈ కిట్లను ప్రారంభించారు. అనంతరం సీఎం వైఎస్‌ జగన్‌ కోవిడ్‌–19 నివారణా చర్యలపై సమీక్షించారు. దక్షిణ కొరియాకు చెందిన ఎస్‌డీ బయో సెన్సార్‌ కంపెనీ ఈ కిట్లను ఉత్పత్తి చేస్తోంది. అమెరికా, ఐరోపా లాంటి దేశాలకు కూడా ఎగుమతి చేస్తోంది. ఈ కిట్లకు ఐసీఎంఆర్‌ ఇప్పటికే ఆమోదం తెలిపింది. రాష్ట్ర ప్రభుత్వం 10 లక్షల టెస్టు కిట్లను ఆర్డర్‌ చేసిందని, రానున్న రోజుల్లో వీటిని అందిస్తామని కంపెనీ ప్రతినిధులు చెప్పారు. నాణ్యతకు పెద్దపీట వేస్తున్నామని వెల్లడించారు. సాంకేతిక పరమైన సహకారాన్ని కూడా ప్రభుత్వానికి అందిస్తున్నామన్నారు.