అస్త్ర క్షిపణి పరీక్ష విజయవంతం

ఒడిశాలోని బంగాళాఖాతం సముద్ర తీర ప్రాంతంలో సెప్టెంబర్ 17న అస్త్ర క్షిపణిని భారత వైమానిక దళం పరీక్షించింది. సుఖోయ్-30 ఎంకేఐ ద్వారా అస్త్రను ప్రయోగాత్మకంగా పరీక్షించింది. అస్త్ర సమర్థంగా, అత్యంత కచ్చితత్వంతో లక్ష్యాలను ఛేదించిందని రక్షణ శాఖ ప్రకటించింది.

అస్త్ర క్షిపణి ప్రత్యేకతలు

• డిఫెన్స్ రీసెర్చ్ అండ్ డెవలప్‌మెంట్ ఆర్గనైజేషన్ (డీఆర్‌డీఓ), మరో 50 ఇతర ప్రభుత్వ రంగ, ప్రైవేటు సంస్థలతో కలిసి అస్త్ర క్షిపణిని పూర్తి స్వదేశీ సాంకేతిక పరిజ్ఞానంతో రూపొందించారు.
• గాల్లో నుంచి గాల్లోకి 70 కి.మీ. పరిధిలో ఉన్న లక్ష్యాలను ఛేదించే సామర్థ్యం ఉంది. ఈ పరిధిని 300 కి.మీ.లకు పెంచడానికి డీఆర్‌డీఓ ప్రణాళికలు రూపొందిస్తోంది.
• నిర్దేశిత లక్ష్యానికి చేరుకోవడానికి ఈ క్షిపణి గంటకి 5,555 కిలోమీటర్ల వేగంతో పయనిస్తుంది.
• 15 కిలోగ్రాముల పేలుడు పదార్థాలతో ప్రత్యేకమైన వార్‌హెడ్ ఉంటుంది.

క్విక్ రివ్యూ :
 ఏమిటి : అస్త్ర క్షిపణి ప్రయోగం విజయవంతం
 ఎప్పుడు  : సెప్టెంబర్ 17
 ఎవరు  : భారత రక్షణ శాఖ
 ఎక్కడ  : బంగాళాఖాతం సముద్ర తీర ప్రాంతం, ఒడిశా