అక్టోబర్ 15 నుంచి వైఎస్సార్ రైతు భరోసా

వ్యవసాయం, అనుబంధ రంగాలపై తాడేపల్లిలోని ముఖ్యమంత్రి నివాసంలో జూన్ 6న నిర్వహించిన సమీక్ష సందర్భంగా ముఖ్యమంత్రి వైఎస్ జగన్‌మోహన్‌రెడ్డి ఈ మేరకు ప్రకటించారు. వైఎస్సార్ రైతు భరోసా కింద రూ. 13,125 కోట్లు రైతులకు ప్రభుత్వం అందించనుంది.

ముఖ్యమంత్రి మరికొన్ని నిర్ణయాలు...

• కౌలు రైతులకు వైఎస్సార్ రైతు భరోసా సాయం, 11 నెలల కాలానికి ప్రత్యేక కార్డు
• ప్రభుత్వమే రైతుల తరఫున పంటల బీమా ప్రీమియం చెల్లింపు, వడ్డీలేని రుణాలు ఇచ్చే ఏర్పాటు
• రూ. 3 వేల కోట్లతో మార్కెట్ స్థిరీకరణ నిధి ఏర్పాటు
• విపత్తులు ఎదుర్కోవడానికి రూ. 4 వేల కోట్లతో నిధి
• రేషన్ బియ్యంతో పాటుమరో 6 రకాల వస్తువులు పంపిణీ
• వ్యవసాయం దశ, దిశ నిర్దేశానికి వ్యవసాయ కమిషన్ ఏర్పాటు
• ప్రతి అసెంబ్లీ నియోజకవర్గంలో ఒక శీతల గిడ్డంగి, ఒక వేర్ హౌస్, అవసరం మేరకు ఫుడ్‌ప్రాసెసింగ్ యూనిట్లు ఏర్పాటు
• రాష్ట్ర శాసనసభ తొలి సమావేశాల్లోనే సమగ్ర బిల్లు తీసుకువచ్చి విత్తన చట్టం రూపకల్పన
• రైతులకు కనీస మద్దతు ధర (ఎంఎస్‌పీ) అందేలా చర్యలు
• వ్యవసాయ సంక్షోభంలో చిక్కి ఎవరైనా రైతు కన్నుమూస్తే రూ.7 లక్షల ఎక్స్‌గ్రేషియో చెల్లింపు
• సహకార రంగంలోని డైరీలకు పాలు పోసే రైతులకు లీటరుకు నాలుగు రూపాయల బోనస్చెల్లింపు.
• అక్టోబర్ 2 నుంచి ప్రారంభమయ్యే గ్రామ సచివాలయాలు వ్యవసాయరంగ అవసరాలకు ప్రధాన కేంద్రాలుగా ఉంటాయి.
• చంద్రబాబు ప్రభుత్వం ప్రవేశపెట్టిన అన్నదాత సుఖీభవ పథకంరద్దు.

క్విక్ రివ్యూ :
ఏమిటి : అక్టోబర్ 15 నుంచి వైఎస్సార్ రైతు భరోసా
ఎప్పుడు : జూన్ 6
ఎవరు : ఏపీ ముఖ్యమంత్రి వైఎస్ జగన్‌మోహన్‌రెడ్డి
ఎక్కడ : ఆంధ్రప్రదేశ్
ఎందుకు : రైతులకు పెట్టుబడి సాయం అందించేందుకు