ఐఓఏకు జరిమానా చెల్లించం : గోవా

36వ జాతీయ క్రీడల నిర్వహణను తరచూ వాయిదా వేస్తూ ఆలస్యం చేయడంతో గోవా ప్రభుత్వంపై రూ. 10 కోట్లు జరిమానాను ఐఓఏ విధించింది. అనంతరం ఆ మొత్తాన్ని రూ. 6 కోట్లకు తగ్గించింది. అయితే ఇప్పటికే తమ సర్కారు స్టేడియాల నిర్మాణం, మౌలిక సదుపాయాల కోసం రూ. 390.47 కోట్లు వెచ్చించిందని.. ఇంకా జరిమానా కూడా చెల్లించాలంటే కుదరదని రాష్ట్ర క్రీడల మంత్రి మనోహర్ అజ్‌గాంకర్ స్పష్టం చేశారు.

చివరిసారిగా 2011లో 35వ జాతీయ క్రీడలు జార్ఖండ్‌లో జరిగాయి. అదే ఏడాది తదుపరి క్రీడల నిర్వహణ హక్కుల్ని గోవా పొందింది. కానీ 8 ఏళ్లయినా ఇంకా నిర్వహించలేకపోయింది.