DSC Free Coaching : డీఎస్సీ అభ్య‌ర్థుల‌కు ఉచిత కోచింగ్.. ఈ ప‌త్రాలు త‌ప్ప‌నిస‌రి..
రాయచోటి: బీఈడీ/డీఈడీ కోర్సులు పూర్తి చేసి టెట్‌లో ఉత్తీర్ణత పొందిన గిరిజన కులానికి చెందిన నిరుద్యోగ యువతీ యువకులకు డీఎస్సీలో ఆంధ్రప్రదేశ్‌ ప్రభుత్వం ఉచిత కోచింగ్ ఇవ్వనుంది. ఈ విషయాన్ని జిల్లా గిరిజన సంక్షేమ, సాధికారిత అధికారిణి పి.తేజస్విని ఒక ప్రకటనలో తెలిపారు. మహిళలకు 33 శాతం రిజర్వేషన్‌ కలదన్నారు.
National Scholarship: నేషనల్‌ స్కాలర్‌షిప్‌కు దరఖాస్తుల ఆహ్వానం.. చివరి తేదీ ఇదే
గిరిజన నిరుద్యోగ యువతీ యువకులు వారి పూర్తి బయోడేటాతో పాటు విద్యార్హత, కులధృవీకరణపత్రం, రేషన్‌, ఆధార్‌కార్డు, పాస్‌పోర్టు సైజు కలర్‌ ఫొటో, బీఈడీ/డీఈడీ, టెట్‌ కోర్సులకు సంబంధించి ధృవీకరణ పత్రం నకలును గెజిటెడ్‌ అధికారితో ధృవీకరించి రాయచోటిలోని జిల్లా గిరిజన సంక్షేమ, సాధికారిత అధికారి కార్యాలయం, మైనార్టీ బాలికల వసతిగృహం, కలెక్టరేట్‌ ప్రాంగణంలో ఈ నెల 12వ తేదీ సాయంత్రం 5 గంటలలోపు సమర్పించాలన్నారు. వివరాలకు 8332082016 నంబర్‌లో సంప్రదించాలని ఆమె తెలిపారు.