Sakshi Education
సాక్షి,హైదరాబాద్: ఎంఎస్సీ నర్సింగ్, ఎంపీటీ కోర్సుల్లో అడ్మిషన్లకు ఈ నెల 5, 6 తేదీల్లో వెబ్ కౌన్సెలింగ్ నిర్వహించనున్నట్లు కాళోజీ వైద్య విశ్వవిద్యాలయం గురువారం ఓ ప్రకటనలో తెలిపింది.
అడ్మిషన్లకు సంబంధించి దరఖాస్తుల స్వీకరణ ముగియడంతో మొదటి విడత వెబ్ ఆప్షన్లకు వర్సిటీ నోటిఫికేషన్ విడుదల చేసింది. వర్సిటీ పరిధిలోని ఎంఎస్సీ నర్సింగ్, ఎంపీటీ కళాశాలల్లో కన్వీనర్ కోటా సీట్లను ముందుగా భర్తీ చేయనున్నారు. ఈ నెల 5న ఉదయం 8 గంటల నుంచి 6వ తేదీ సాయంత్రం 4 వరకు మెరిట్ జాబితాలోని అర్హులైన అభ్యర్థులు కళాశాలల వారీగా ఆప్షన్లు నమోదు చేసుకోవాలి. మెరిట్ జాబితా, సీట్ల ఖాళీల వివరాలతోపాటు మరింత సమాచారం కోసం వెబ్‌సైట్ www.knruhs.telangana.gov.in ను చూడవచ్చని అధికారులు పేర్కొన్నారు.
Published date : 05 Feb 2021 05:35PM
