కేంద్రం ప్రారంభించిన నిపుణ్‌ భారత్‌ కార్యక్రమం ఉద్దేశం?

Sakshi Education

దేశంలో సమగ్ర విద్య, అక్షరాస్యత ప్రమాణాలను మెరుగుపరిచేందుకు ఉద్దేశించిన ‘‘నిపుణ్‌ భారత్‌–2021 కార్యక్రమం’’ ప్రారంభమైంది.

జాతీయ విద్యావిధానం –2020 అమలులో భాగంగా సిద్ధం చేసిన ఈ కార్యక్రమాన్ని కేంద్ర విద్యాశాఖ మంత్రి రమేష్‌ పోఖ్రియాల్‌ నిశాంక్‌ జూలై 5న ప్రారంభించారు. నిపుణ్‌ భారత్‌కు సంబంధించిన చిన్న వీడియో, ఒక గీతం, మార్గదర్శకాలను ఢిల్లీ నుంచి వర్చువల్‌ మోడ్‌లో విడుదల చేశారు.

సమగ్ర శిక్ష అభియాన్‌ ఆధ్వర్యంలో..

నిపుణ్‌ భారత్‌ కార్యక్రమాన్ని రాష్ట్రాల్లోని పాఠశాల విద్యా శాఖలు ఐదు దశల్లో అమలు చేయనున్నాయి.
అన్ని రాష్ట్రాలు, కేంద్రపాలిత ప్రాంతాలలో సమగ్ర శిక్ష అభియాన్‌ ఆధ్వర్యంలో ఈ కార్యక్రమాన్ని చేపట్టనున్నారు.
2026–27 సంవత్సరం నాటికి, ప్రతి బిడ్డ 3వ తరగతి పూర్తిచేసి చదవడం, రాయడంతో పాటు అంకగణితంలో కావలసిన అభ్యాస సామర్థ్యాన్ని సాధించే లక్ష్యంగా దీన్ని చేపట్టారు.

క్విక్‌ రివ్యూ :
ఏమిటి : నిపుణ్‌ భారత్‌–2021 కార్యక్రమం ప్రారంభం
ఎప్పుడు : జూలై 5
ఎవరు : కేంద్ర విద్యాశాఖ మంత్రి రమేష్‌ పోఖ్రియాల్‌ నిశాంక్‌
ఎందుకు : దేశంలో సమగ్ర విద్య, అక్షరాస్యత ప్రమాణాలను మెరుగుపరిచేందుకు...

Published date : 06 Jul 2021 06:31PM