ఏపీ హైకోర్టు సీజేగా జేకే మహేశ్వరి ప్రమాణం

విజయవాడలోని తుమ్మలపల్లి కళాక్షేత్రంలో అక్టోబర్ 7న జరిగిన కార్యక్రమంలో జస్టిస్ మహేశ్వరితో రాష్ట్ర గవర్నర్ విశ్వభూషణ్ హరిచందన్ ప్రమాణస్వీకారం చేయించారు. ఈ కార్యక్రమంలో రాష్ట్ర ముఖ్యమంత్రి వైఎస్ జగన్‌మోహన్‌రెడ్డి పాల్గొన్నారు.

జస్టిస్ మహేశ్వరి నేపథ్యం..
జస్టిస్ మహేశ్వరి 1961 జూన్ 29న జన్మించారు. 1985 నవంబర్ 22న న్యాయవాదిగా ఎన్‌రోల్ అయ్యారు. మధ్యప్రదేశ్ హైకోర్టులో ప్రాక్టీస్ ప్రారంభించి సివిల్, క్రిమినల్, రాజ్యాంగపరమైన కేసుల్లో పట్టు సాధించారు. 2005 నవంబర్ 25న మధ్యప్రదేశ్ హైకోర్టు అదనపు న్యాయమూర్తిగా నియమితులయ్యారు. 2008లో శాశ్వత న్యాయమూర్తి అయ్యారు. హైకోర్టు సీజేగా 2023 జూన్ 28న పదవీ విరమణ చేయనున్నారు.
క్విక్ రివ్యూ :
ఏమిటి : ఆంధ్రప్రదేశ్ హైకోర్టు తొలి ప్రధాన న్యాయమూర్తిగా ప్రమాణం
ఎప్పుడు : అక్టోబర్ 7
ఎవరు : జస్టిస్ జితేంద్రకుమార్ మహేశ్వరి
ఎక్కడ : తుమ్మలపల్లి కళాక్షేత్రం, విజయవాడ, ఆంధ్రప్రదేశ్