ఆసియా రెజ్లింగ్‌లో రవి దహియాకు పసిడి పతకం

57 కేజీల విభాగంలో రవి దహియా పసిడి పతకం నెగ్గాడు. ఫైనల్లో రవి ‘టెక్నికల్ సుపీరియారిటీ’ పద్ధతిలో హిక్మతుల్లో వొహిదోవ్ (తజికిస్తాన్)పై గెలిచాడు. బౌట్ ముగియడానికి 2 నిమిషాల 32 సెకన్లు ఉందనగా రవి 10-0తో ఆధిక్యం సంపాదించడంతో నిబంధనల ప్రకారం రిఫరీ భారత రెజ్లర్‌ను విజేతగా ప్రకటించారు.

65 కేజీల విభాగం ఫైనల్లో బజరంగ్ (భారత్) 2-10తో టకుటో ఒటుగోరో (జపాన్) చేతిలో ఓడిపోయి రజతం దక్కించుకున్నాడు. అలాగే 79 కేజీల విభాగం ఫైనల్లో గౌరవ్ బలియాన్ (భారత్) 5-7తో బుడజపోవ్ (కిర్గిస్తాన్) చేతిలో... 97 కేజీల విభాగం ఫైనల్లో సత్యవర్త్ కడియాన్ (భారత్) 0-10తో ముజ్తబా (ఇరాన్) చేతిలో ఓడిపోయి రజత పతకాలతో సంతృప్తి పడ్డారు.

క్విక్ రివ్యూ :
ఏమిటి : ఆసియా సీనియర్ రెజ్లింగ్ చాంపియన్‌షిప్‌లో స్వర్ణం
ఎప్పుడు : ఫిబ్రవరి 22
ఎవరు : రవి దహియా
ఎక్కడ : న్యూఢిల్లీ