ప్రపంచ అండర్‌–20 అథ్లెటిక్స్‌లో భారత్‌కు కాంస్యం

4x400 మీటర్ల మిక్స్‌డ్‌ రిలేలో భారత జట్టు మూడో స్థానంలో నిలిచి కాంస్యాన్ని సాధించింది. భారత బృందం 3 నిమిషాల 20.60 సెకన్లలో లక్ష్యాన్ని చేరింది. కాంస్యం గెలిచిన భారత జట్టులో శ్రీధర్‌ భరత్, ప్రియా మోహన్, సుమ్మీ, కపిల్‌ సభ్యులుగా ఉన్నారు. ఈ ఈవెంట్‌లో నైజీరియా (3 నిమిషాల 19.70 సెకన్లు), పోలండ్‌ (3 నిమిషాల 19.80 సెకన్లు) స్వర్ణ, రజతాలు గెలుచుకున్నాయి.

వరల్డ్‌ జూనియర్‌ అథ్లెటిక్స్‌లో గతంలో భారత్‌ తరఫున సీమా అంటిల్‌ (కాంస్యం – డిస్కస్, 2002), నవజీత్‌ కౌర్‌ (కాంస్యం – డిస్కస్‌ 2014), నీరజ్‌ చోప్రా (స్వర్ణం – జావెలిన్, 2016), హిమ దాస్‌ (స్వర్ణం – 400 మీ., 2018) పతకాలు గెలుచుకున్నారు.

క్విక్‌ రివ్యూ :
ఏమిటి : వరల్డ్‌ జూనియర్‌ (అండర్‌–20) అథ్లెటిక్స్‌ చాంపియన్‌షిప్‌లో కాంస్యం సాధించిన జట్టు?
ఎప్పుడు : ఆగస్టు 18
ఎవరు : శ్రీధర్‌ భరత్, ప్రియా మోహన్, సుమ్మీ, కపిల్‌ సభ్యులుగా ఉన్న భారత జట్టు
ఎక్కడ : నైరోబీ, కెన్యా
ఎందుకు : 4x400 మీటర్ల మిక్స్‌డ్‌ రిలేలో భారత జట్టు మూడో స్థానంలో నిలవడంతో...